【不再少年時】重溫《金田一少年之事件薄》,原來鄭秀文曾經「亂入」!

講樂‧過路人 於 14/01/2018 發表 收藏文章
最近見有報導話「金田一」將會再度連載,不過角色就會跟隨真實時空長大,從少年變成大叔,以《金田一37歲之事件簿》為題連載。唔知呢個「不再少年」既金田一,同美雪...生左佢地既「小金田一」未呢...

<互聯網圖片>

連載消息曝光後,唔少人都期待呢個《金田一37歲之事件簿》,會唔會再次拍成真人版,並且搵返第一代既組合「堂本剛+友坂理惠」,再度飾演金田一同七瀨美雪。

<互聯網圖片>


鄭伊健當年主唱既呢首主題曲《無限空間》,大家仲有無印象?



歷代既真人版金田一同美雪當中,最深入民心既始終都係堂本剛+友坂理惠。最近翻睇佢地演出既真人版電影《上海魚人傳說殺人事件》,有點無聊地發現,其中一幕竟然有鄭秀文「亂入」。

話說劇情講到金田一同美雪,應美雪筆友邀請前往上海(當然順便查案),當金田一同美雪去到呢位筆友既屋企,鏡頭就映到牆上貼住大大張Sammi既海報,造就呢幕堂本剛同Sammi「同場」既有趣畫面。


睇番呢張海報,似乎係鄭秀文1996年推出既首張國語專輯《值得》,而呢部金田一真人版電影,上映年份係1997年,時間上相當吻合,同時都說明左一件事,就係Sammi當年的確好受歡迎!

<互聯網圖片>


筆者的Facebook專頁「講樂﹒過路人」,也希望大家多多支持!

https://www.facebook.com/shingster1412/

如果喜歡我們的文章,請即分享到︰

標籤: 金田一  美雪  鄭秀文  鄭伊健  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→