黃秋生FB發文再撐《給十九歲的我》導演張婉婷：認為老人係衰人，所以欺凌佢嘅就係好人喇 精選 推薦

紀錄6位就讀英華女學校學生10年成長經歷的電影《給十九歲的我》，近日因私隱等問題鬧出道德爭議，導演張婉婷連日來大受抨擊，電影最終停止公映，並退出本屆香港電影金像獎「最佳電影」的遴選。

社會批判張婉婷的聲音眾多，反應兩極。在電影主角發聲後，不少人認為張婉婷錯在沒有釐清學生意願，行為形同逼迫主角就範。不過，在電影圈打滾多年的黃秋生則不認同大眾說法，前日在FB發文寫道：「電影中，導演同演員多數都係打工架咋。唔係好似外行人以為咁，可以話事㗎。當然，有出品人身兼導演同演出嘅，不過唔多囉。我講自己咋。」

其貼文引起網民討論，有人留言表示：「電影公司同學校應該負更多的責任吧？」黃秋生就回應：「你去餐廳食嘢嗰陣有冇先查清楚食材嘅來源？」又有人指：：「人地是不願意公開自身的過去，但有人就拿去參展圖利。」黃秋生斥：「唔願意就咪拍啦！」

致今日（10日）凌晨，黃秋生再發文撐張婉婷：「經過呢两日睇到嘅回覆及討論，我發現，原來好多人以為拍紀錄片就好似用手機偷拍咁簡單。仲有，唔好欺凌細路，但可欺凌老人，因為認為老人係衰人，所以欺凌佢嘅人就係好人嘞。另外，我好想知點樣可以唔公映又籌到款？」

不過，秋生哥隨後又將貼文移除，換上一句：「當你凝視深淵，深淵也凝視著你—尼采」，未知引用句子是否在暗諷大罵張婉婷的民眾。

資料&圖片來源：FB@黃秋生 Anthony Perry