浸溫泉相登上艾粒演唱會大螢幕 余迪偉嬲爆：呢單嘢係性取向歧視同職場欺凌！ 精選 推薦

由當奴（唐劍康）和少爺占（甄子康）組成的組合「艾粒」近日正於九展Star Hall舉行演唱會，向觀眾分享音樂同時發放笑料。不過，玩笑萬一開過頭，或會惹人不快... ...昨晚（9日），同為商台DJ的余迪偉在社交媒體開Po鬧爆艾粒，指他們未經同意，擅自取了一張余迪偉半裸浸溫泉照片，加上「迪偉同你浸溫泉」的字眼，放到演唱會大螢幕播出。

余迪偉發文大罵：「Enough is enough! 你哋都玩咗咁多年啦，我都冇出聲咁多年啦，你哋都有頭有面有地位，仲玩？呢張相係我IG嘅，有冇經過我同意上你哋個大台去賺錢呢？呢單嘢係性取向歧視同埋職場欺凌！」

事實上，艾粒以往也曾開過「迪偉後花園」、「迪偉俱樂部」等玩笑，只是余迪偉從未發聲抱怨，令觀眾以為3位商台DJ友誼深刻，怎樣開玩笑都不會過火。

至截稿前，艾粒未就事件作出回應。網民反應則比較兩極，有人表示：「其實咁多年來聽佢地笑兜個圈笑你，我個人聽到就覺得你地好朋友！同埋你係好講得笑，一定係大方大量的人。支持」、「點睇都係迪奶曲線幫艾粒宣傳啦」等；不過，也有不少人撐迪偉，指：「大家都同一間公司咁多年，咁做真係好唔應該！」、「我撐迪偉！取笑人好易，但咁做係好傷害人，基本尊重人識唔識㗎？」、「當事人唔在場，就會似鞭屍多啲囉！」等。

資料&圖片來源：IG@dikwai