連登熱話|「一籠灌湯餃 竟然可以睇得出女朋友幾自私」點心一到女友:Uncle! This is for myself!

深夜清酒梳打 於 06/09/2022 發表 收藏文章
近日有連登網民以「一籠灌湯餃 竟然可以睇得出女朋友幾自私」開po討論,指自己帶女朋友和家人飲茶時,女友叫點心時只點了一籠灌湯餃,樓主父親立刻問職員「係咪漏咗3籠」,怎料女友竟回應:「啱呀Uncle! This is for myself!」樓主和其家人立刻面有難色... …

樓主還提到,女朋友「一坐低杯又唔洗、茶又唔斟」,父親還客氣把點心紙交給樓主女朋友:「唔洗客氣,隨便叫」。然而,女友竟「自私食」灌湯餃,沒為樓主一家多點幾籠齊齊享用,樓主父母隨即黑面兼一言不發,而女友更不懂觀言察色,待樓主埋單後還細細聲問為何他的父母貌似有不滿。

網民留言指「覺得係唔識做多過自私」,認為「條女寫完點心紙唔係應該問埋其他人要食乜嘢﹐然後一次過落order咩?」

不過,也有不少網民不贊同樓主看法,表示:「樓主同樓主兩個廢柴父母要人服侍,樣樣都講到老馮咁,但明明勁小事,小氣家族」、「自己想食唔識出聲呀?點知你食唔食呀?」、「呢d位咪你(樓主)拎張紙幫手寫埋你老豆老母嗰份囉」。

資料&圖片來源:LIHKG、FB@香港點心關注組

如果喜歡我們的文章,請即分享到︰

標籤: 點心  飲茶  灌湯餃  熱話  連登  趣聞  

留言


請按此登錄後留言。未成為會員? 立即註冊
    快捷鍵:←
    快捷鍵:→