万刀甲、阿寶情路回顧 精選 推薦

眾所周知，今日方力申、鄧麗欣宣佈分手。10年來，2人如何走過？
2人結緣於2003年，方力申約滿正東，轉投Paco打骰的金牌，同時正值 Mini Cookies 面臨各自單飛，公司安排與鄧麗欣組情歌組合，合唱《好心好報》，傳出緋聞。不過當年2人接受《蘋果日報》訪問時異口同聲「做兄妹好啲。」
翌年再「添食」《好好戀愛》，加上連卡通《嘩啦嘩啦漂流記》配音都要做鬥嘴夫妻，又一齊行婚紗騷，緋聞甚囂塵上。

2人緋聞曾經中斷，因為2005年2月被傳媒拍到方力申與阿嬌同遊瑞士，回程前後腳出香港機場，不過同年尾就有傳因為Stephy 介入而令阿嬌單方面宣佈分手：

2006年拍「港產愛情大導MK活地亞倫孽念深」愛情力作《獨家試愛》，同年方力申曾於港台訪問自稱與鄧麗欣的銀幕情侶形象，是以發哥及Do Do姐為目標，同唔同level 就見人見智。

2007添食《十分愛》。雖然經過2首合唱歌及2部電影確立情侶檔，但雙方亦有不少fans 呷醋，例如宣傳《十分愛》活動上占卜遊戲，方力申揀了印有Stephy相片的卡，並問占卜師自己適唔適合再同Stephy再合作，結果惹來台下Fans 噓聲。而方力申亦因《獨家試愛》與Stephy有嘴戲，而被Stephy fans話好想打佢。
喜唔喜歡都好，雷頌德同葉念琛帶紅2人，2008年又再添食《我的最愛》加同名主題曲，又大收。同年傳出方力申因去泰國拍《向世界出發》，順手於清邁入金魚缸一粒鐘，Stephy亦力挺小方清白。

2009年Stephy 書展出愛情小說《陪著我走》，33頁有過百個錯字而被各界恥笑，包括同期出書的靚模及昔日隊友傅穎。Stephy 辯稱因學拼音輸入法揀錯字，未能令人信服，但亦令錯字書炒價高達$600。同年尾Stephy 計劃再出書講甜品，就獲方力申「陪着她走」力撐，錯字只係公司犯錯，並會在新書幫手寫序。

從2003年來，只是從否認到吱唔以對，直到2010年才轉口風。事緣有市民向傳媒爆料，撞到方、鄧同遊馬爾代夫。鄧麗欣承認同遊：「私事唔講太多，我都承認咗一齊去旅行啦。」被記者問是否情侶關係，Stephy一句「如果你哋咁寫都唔會俾人告，我哋唔係咁衰。」已經間接承認。態度轉向默認，有傳因為同年方力申因電影《出水芙容》而與舊愛阿嬌不時糖黐豆宣傳，亦有合唱歌《一生一世》又在微博曬合照，令Stephy不滿兼在微博曬合照反擊。
2012年，《蘋果日報》記者靠讀者報料巴黎捕獲小方、Stephy。初時Stephy彈開柄埋，但小方今次夠晒「大方」邀女友合照，被各界視為正式公開戀情之舉：

2013年「雷頌德THANK YOU 演唱會」，《好心好報》、《好好戀愛》等「膾炙人口」K歌的作曲者Mark Lui 介紹2人出場踢爆他們戀期：「外面以為他們只拍拖三、四年，其實已經七年啦。」

戀情公開後，2015年3月索性高調在王祖藍、李亞男主持的TVB節目《蜜月到訪》，又講地下情又講"Long D"，例如方力申話去睇戲，趁熄晒燈後會勃起…撥起個armrest：
《紀念日》2015，《獨家試愛》10周年紀念，劇情又係「撞正」情侶阿強阿寶結婚10年，講有乜嗌霎。

上個月情人節，方力申微博的「最終放閃」：「這就是我心中最美的畫」

幾日前還在傳方力申會否因父親重病而與Stephy 沖喜，2人否認。今日分手聲明後，Stephy下午的補充：
各界全日cap 歌詞cap 愛情大導對白，以下2句亦有可能是方力申近來心情。