Bob林盛斌因大女被網民惡意侮辱 高EQ點名回應對方：我一家人都比你有胸襟有自信

林盛斌（Bob）養有三女一子，當日大女林霏兒（Faye）亦因在社交平台上分享靚相而有一定知名度，但因為身為女性，自然就會受到不少流言蜚語影響，日前 Faye 在社交平台露被網民性騷擾，再被傳媒廣傳事件後，非但沒有做到降溫作用，更是引來網民更多的惡意，而當中一名過於顯眼的網民，就引來 Bob 本人點名。
一名叫Kenny Tse的網民在性騷擾事件爆出後，直接在threads並標註林盛斌，並貼上一張林霏兒在連登討論區的貼文截圖，並寫：「咁嘅樣都食得落，邊位仁兄咁樣為民除害，香港政府應該要頒個大紫荊勳章俾佢」
。
之後Bob就在IG上發文回應：「有時網絡世界嘅嘢，係有啲恐怖嘅，有個律師朋友話俾我知，其實網上寫呢啲嘢，已經可能構成兩至三個違法嘅行為。Kenny，我相信我唔認識你，你亦都唔認識我，我唔知道你出呢個post嘅意圖係乜嘢，可能你係想蹭吓個熱度，蹭吓個流量？定係想侮辱吓我嘅屋企人，希望令到佢哋唔開心？如果係咁嘅話，好遺憾要同你講聲，你呢個唔係太有善意嘅企圖，應該好難成功。」
而針對「Kenny」的發言，Bob 亦「以禮相待」：「尋晚我將你呢個post俾咗我啲屋企人睇，佢哋完全冇任何嘅感覺，大家姐仲話你揀呢張相幾靚添，所以唔好意思，令你失望，我個仔仲問我，點解你個樣係一支紅酒同埋一件蛋糕，跟住我哋一家人就笑得好開心。我想講，我同我嘅屋企人，包括我太太同啲小朋友，都比你想像中勇敢、堅強、正面、有胸襟、有自信。」，勸告該名網民「己所不欲，勿施於人」。
該貼文亦引來正面回響，有人指 Bob 一家由小到大都非常之高EQ：「加油，現在太多網上仇恨言論。Bob爺，欣賞你，EQ好高」、「你呢個回覆很好 可以做model answer，我成日都認為 匿名post同唔用自己樣既account 一律視為垃圾，所以你唔好咁勞氣 我地去出一出火車站吹下風一齊」。