森美夫婦旅日 突被中介網站取消酒店險瞓街 自爆：老婆開始唔睬我 精選 推薦

現年 50 歲的 DJ 森美和老婆陳雅嫻（Veronica）本來打算開心遊日本，但在昨晚就在 IG 連環出限時動態，指自己已訂好的房間突然被取消，在半夜流落大阪街頭。
森美拍片講到，自己本來在某個中介網站訂了酒店，而在自己由京都回到大阪時，突然收到 Email，指自己的房間突然被取消，而他更是講到自己早己付費都可以出事：「我一個禮拜前已經 confirm 咗，同埋冇得退款嘅Booking，亦都 confirm 咗，但嚟到而家就冇啦！」他之後去到酒店找職員爭論兩小時，但無不成功：「去到冇咗個booking，而家夜晚十點我搵晒成個大阪都冇酒店，而家喺街上就挑戰人生，估都估唔到去日本旅行，大阪都嚟過好多次，shopping又試過，探險真係未試過，搵唔到，唯一搵到嘅酒店喺奈良，但係冇可能飛去奈良，最後發生咩事會點呢？搵咗成晚都搵唔到酒店。」
而森美之後亦求救：「重點係我老婆都開始唔睬我，希望今晚搵到地方瞓啦！」，在一眾網友關注事情會如何發展時，他指有一位不常見面的朋友幫忙找到一間酒店房：「結果真係有一個朋友，雖然好耐冇見，但係就係憑今次個經歷，幫我喺網上面搵到一間不遠酒店！最後一間房，下次book咗房真係要再，自己send email去酒店confirm先至好出發，網上網站，中介人信唔過，我知你哋好想知係邊間…….詳情留返節目講俾大家聽，重點係人生好多艱難，你係估唔到會發生。去到最後都係要靠朋友，多謝各位朋友，感激每一個關心每一個電話每一個短訊，好多人平時冇見冇傾但係都拔刀相助，世界有愛，感恩，你們每一個人都很有愛！祝唔使7街瞓嘅朋友，早唞！多謝關心。」森美稱今次全靠朋友幫忙，好感激。