游嘉欣自爆以頭髮「環保式撩牙」 嚇窒馮盈盈：你撩完再擺番喺後面？ 精選

TVB 旅遊節目《玩轉澳門更多 Fun》周六晚上 8 點半翡翠台播映最後一集，「後生仔」班底的馮盈盈（FYY）、「6號」陸浩明、游嘉欣及孔德賢（Danny）擔任主持，帶大家齊齊玩轉澳門，但沒想到游嘉欣在節目爆出驚天習慣！
在節目四位主持去往澳門多個景區，而最後一部製作組「賣大包」請四人大歎土生菜，飲飽食醉後四位主持清理一下，想集體撩牙時，語不驚人死不休的游嘉欣再度發功，不經意爆出一句：「女人先會知，用頭髮撩牙。」聞言眼都凸埋的 FYY 大驚講到：「吓！頭髮撩牙？」Danny 好奇心爆發問：「當牙線咁用呀？」游嘉欣繼續天然呆本色說：「你（FYY）冇試過？我以為係女仔都用㗎。」游游再自豪表示可以不犧牲任何一條頭髮的情況撩牙，再度被嚇窒的FYY說：「即係你拎嚟撩完，之後再擺番喺後面？你環保到底，頭髮都唔會嘥一條！真係好爆！」
節目播出後，不少人都對游嘉欣的習慣感到不衛生，更指「分分行過佢身邊都聞到陣臭味。 撩完牙又放翻條頭髮去後面🤮🤮」，更有人指游嘉欣在節目中刻意做作「D頭髮咁短點撩？而且佢d頭髮如果唔係牙線咁粗咁韌又點做到？似吹水」，但因為大部分留言觀眾都不喜歡節目中的數位主持，見到相關發文後就留言：「最乞人憎嘅三個藝人共冶一爐...利害」、「佢真係好白痴，可唔可以飛Q咗佢，好難頂呀🤬」、「呢條友重可以食呢行飯先勁」、「見到呢幾個就唔想睇」。