一丁友。紐西蘭 (長篇故事)二,【略過我身邊 你我眼光差點遇上 多驚險】

2008 9月 夏


常常聽人說過,一個男仔,最痛苦的莫過於係:在他年輕既時侯遇到一個佢最想照顧一生的人。

我和她的故事與普通一眾90後以前讀書時既相戀故事一樣,始於中學那時,
我仲記得,個時夏天並無而家咁熱,眉頭亦無而家皺得咁多,小息鐘聲完結,各個同學都湧住行番課室上堂...
男 既打完波大汗淋漓,一邊拍住籃球一邊討論黎緊校隊既選拔,
女 既依舊大熱天時著住冷衫,三五知己繼續討論放學後去邊行街睇衫,
我,一早已經坐低係位呆呆出神...
點解?因為我踢波的所以埋唔到男仔堆,而且以前中學邊會有可能係校內踢波,
亦因為中學定律係打籃球先吸引到異性,所以變相女同學個邊我當我半透明。

正當我嚼住"的塔糖" 等緊上Geog 堂既時候,佢,走左埋黎
「喂,不如買張獎券AR...」

唔知你有無試過,當你見到一樣好陌生既她忽然同離你好近,
個種令你怕羞得黎又突然冒起一陣熱既感覺,不知所措,好難形容。
她,叫 儀沁,我未來的女朋友
當然,當時坐係窗邊位望住企係檯前烏低左少少身既佢既我唔會想像到我地可以走埋一齊,
一個係 黑黑實實,瘦削得黎又唔起眼既小文科生
一個係 紮長馬尾白白淨斯斯文文的中史科科長
一張獎券,就打開左我同成績優異既佢的第一次對話...

「嗯,好,幾錢一張?」
「$10蚊,唔該」
我全程低頭專心咁搵張十蚊紙,一陣香氣不期然咁飄過黎,
唔知係白既女仔特別香定香既女仔多數都係白
我剩係知,依張獎券,即使再重新黎多幾多次,我都依然係會買...

「Sir,please hold this ticket and wait a second」
望住張申報表,我竟然會諗番起張獎券,
人嘛,特別愛念舊,特別係在一個未知既環境呆坐等待時
我慢慢合埋雙眼,深呼吸,同自己講:

「終於黎到了...」


【我愛班房】

略過我身邊 你我眼光差點遇上 多驚險
標籤: 紐西蘭  初戀  歸洛  

留言


請按此登錄後留言。未成為會員? 立即註冊
    快捷鍵:←
    快捷鍵:→