一丁友。紐西蘭 (長篇故事)一,【踏上這無盡旅途】

2015/05/23 基督城國際機場‧紐西蘭
「有機會再見啦!」, 輕輕的我就轉身向住入境既方向出發喇。 而呢一位咁瀟灑既機友就係10個鐘頭前坐係我隔離比我借廁所既時間一落踩落去佢隻腳到認識。

佢叫老鼠, 因為我真係識佢老鼠, 介紹完自己下一秒我已經唔記得佢叫咩名。 記得既係佢係到讀大學同埋佢既紐西蘭WORKING HOLIDAY經歷, 真係聽到都扯扯地, 令到我更加期待出左機場之後既生活. 但首先要解決左入境呢個難題…

紐西蘭, 一個農業主導既國家。 同澳洲一樣有好嚴謹既入境檢查, 成個海關都貼哂中文。 你諗下幾咁尊重中國人﹗ON9, 實情係有好多勇敢既大媽,大爸玲住一袋二袋山珍海味同生果諗住過到關,所以D海關對亞洲人特別謹慎。但點估跟住落黎我都成為左勇敢既中國人呀,操!

「Next!」我就行左去一個身長6尺,闊都係6尺既黑黑實實男關員到,準備玲個袋過X-Ray。之後我先知道呢D體型既人原來係當地既原著民-毛利人。
「Wait bro」正當我諗住玲袋走既時候就比我面前既加強版奧尼爾叫停左。
之後一個操流利普通話既海關就行左過黎要搜我個背囊。平生做咁多虧心事既我,呢一刻異常冷靜。因為我知道自己個背囊入面除左部【亂想】電腦之外,就係55條底褲,3套衫褲就無喇。阿叔我驚個西,睇咪睇,你幫我汁返好添呀!

「先生,你知道帶水果要事先申報的嗎?」佢係我個袋玲左兩個圓型物體出黎,橙!停一停,諗一諗,點解,我老公係我初戀情人,無理由會中嫁!
呢一刻我諗到琴晚阿媽靜雞雞係我房到走出黎,叫我記住多d食生果呀。
呀…

介紹番先,我叫韓路加,比面既叫Luke哥,唔比面既叫Luke 7。點解我有個咁神聖既名?因為我出身一個基督教中產家庭,阿爸話希望我可以好似路加福音入面咁同耶穌一樣咁識得大愛。但我最想行既神蹟係睇穿牆同埋復活。

我本黎有一個青梅竹馬既女朋友,我地由中四開始就走埋一齊,一齊左七年。
佢都行左個神蹟,由怕醜四眼妹變做PR女神。Band 2到港大,連條仔都Band走埋。而我就係一個唔讀書,因為成功只需要靠父幹呀嘛!我無去到讀法律,而係去左讀Fashion design…時裝設計…

今日呢個真人真事血淚史就係由我既天鵝湖公主一個Whatsapp,而開始
「阿Luke, 我已經頂唔順你咁廢喇,廿五歲人打份無得升職既工,人工又唔係高。我公司個James呀,廿六歲已經買左樓喇。我好愛你,但你比唔到安全感我,我地分開冷靜下,唔好再搵大家!」之後我就再見唔到佢Online同埋Icon.

好呀八婆…
踏上這無盡旅途 【無盡】

標籤: 歸洛  無盡  WORKING HOLIDAY  紐西蘭  

留言


請按此登錄後留言。未成為會員? 立即註冊
    快捷鍵:←
    快捷鍵:→