《爆血新婚夜》嫁入豪門決戰變態家族

優記影院 於 30/09/2019 發表 收藏文章
硬!並非男人專利!女人要狠,亦唔會手軟。講緊嘅係上畫冇幾耐的驚慄Cult片《Ready or Not》。成齣戲故事夠單刀直入:女主角姬絲以為覓得如意郎君艾力,嫁入豪門唔使憂,點知新婚當晚被老爺奶奶、新郎哥的兄弟姊妹等被逼玩抽卡遊戲,姬絲竟然抽中玩獵殺新娘的「捉迷藏」牌,而成家人竟然攞真刀真槍追殺姬絲,否則全家人喺天光之前未能捉新娘做活人祭,就全家要死!姬絲由避無可避至忍無可忍,終於由獵物變成戰士作大反擊……一齣故事無厘頭但又睇得過癮嘅好戲!睇住呢家人應用古今武器嘅過程已夠娛樂性,錯手殺錯自己人等烏龍百出,實在惹笑,好一齣黑色幽默示範作。而成套戲對呢個變態家庭各成員都有相當描寫,有啲心狠手辣、有啲虛偽至極,但亦有啲仍有良知,令成齣戲多個角色一樣吸引,唔會只係一件件殺人機器。
不得不提飾演姬絲的莎瑪拉韋榮(Samara Weaving),樣貌以至表情都有幾份似小丑女瑪歌羅比(Margot Robbie),在戲中亦能文能武,如果他日瑪歌羅比唔再演小丑女,實不愁沒有繼任人!而飾演奶奶嘅安迪麥杜維(Andie MacDowell),就係當年《4個婚禮一個葬禮》(Four Weddings and a Funeral)嘅女主角,今次演表面賢淑,實則凶狠嘅奶奶,註定同新抱有一番惡鬥!
上映日期:即日
text:優記

由女主角向各位再簡介一下吧:

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→