疑張致恒借錢訊息曝光，聲言「唔還老婆肉償」，懷孕雯雯疑離家出走 精選 推薦

有「離婚KOL」之稱的娛樂圈問題夫妻張致恒(Steven)、區燕雯(雯雯)又有新發展，繼之前訂閱制課金告終，第四胎消息傳出，二人再度陷入借錢、爭吵循環…
頗為出位的富二代KOL Sean公開張致恒四出借錢的男子錄音及截圖，內容都頗為聳動，聲稱張致恒並以上庭、小朋友「無飯食」等不同理由，包括：

引用

「我老婆借咗1萬蚊嚟交嘢，但係嗰個人講明3日內唔還，要我老婆出嚟肉償，如果唔係就唔使成日叫你借比我啦！我有好多嘢好煩！」
「今日我啲小朋友無飯食，可唔可以借五百蚊俾我？」
「借住幾百蚊嚟搭車先啦，我依家實在地出唔到去……啲錢買晒袋嗰啲，依家唔夠錢買尿片嗰啲。」
「過兩日要上法庭，工人向勞工處告我，要我俾返晒二萬幾數出嚟。」

而雯雯早前大爆張致恒「溝女」「不顧家」後，除了（應該不知情）被丈夫「擺上枱」借錢，今（15）日更在自己IG貼出自己的大肚，寫道「我要冷靜幾個鐘」「有冇地方介紹」，疑似是離家出走。
前boyz成員張致恒退出娛樂圈後，與身為fans的雯雯於2019年突然宣佈結婚，但二人經濟狀況一直不佳，感情起伏亦有如過山車，胡亂花費、不顧家的指控不斷，不停於「瀕臨離婚——生孩子」間不斷重演，二人爭吵亦非常高調，網民都謂「最慘係小朋友…」