試當真贏「香港Youtube創作者」第一位：游學修寸爆蕭若元，華麗報仇 精選

嗱各位網友，在網絡世界，有一種「因果律兵器」叫蕭若元，小至娛樂八卦，大至國際政經大事，每逢蕭生一批，幾乎例不虛發，再匪而所思都會「燈死」收場，堪稱「逆．預言家」。
Youtube日前公佈「香港十大熱門創作者」，試當真就成功壓倒Anson Lo等強者，穩奪第一名，而頻道主創、演員游學修，就乘機華麗報仇，寸爆蕭生的燈力。

事關不到一年前，今年2月期間，蕭生在其網台節目中批死「香港電影工業冇前途，回復盛世的機會是零」，當時招來新生代演員、創作人游學修反擊，兩世代創作人就隔空透過影片激辯對話，蕭生對香港娛樂發展徹底悲觀，而游方就認為世界已經，不能以昔日準則評斷，成為一時熱議。

當時蕭若元對由游學修、許賢、蘇致導聯手，新創立的「試當真」Youtube頻道不以為然，更以前輩口吻看扁，謂：
「香港嘅YouTuber，100毛 我認識，大J 我都知道，游先生我唔太熟……你兩三個人喺度煮飯仔，我只能夠講你拍嗰啲係家家酒，煮飯仔，我有責任將真相講畀你哋聽，你要知自己做乜，唔係有偉大志願就得。」

游學修在奪得殊榮後就反擊：「蕭若元，聽聞你上年拿了第九位，有空回來香港交流交流！」相當不留情面。

試當真憑土炮製作、微妙幽默與奇想，在今年迅速竄紅，更登上九展開Show，極速售罄，人氣一時無兩，廣告費亦水漲船高。更成就「走先啦係咁先啦」、「跌咗嘢試下唔好搵」兩首神曲並潮語，亦成今年叱咤我最喜愛大熱。

由土炮玩味，經燈神一批，到開show登上音樂殿堂，蕭生果然好嘢。