何止扮姜濤？TVB旗下網台醜化花姐！ 精選

TVB「扮姜濤」風波未止！繼之前的綜藝節目改革記者會上，TVB找來基層藝員鄧智堅扮演姜濤醜化之，更上演一場「追打姜濤」「打到佢變姜蓉」的醜怪幼稚戲碼。事件觸發一面倒負評後，阿Bob都出面道歉，姜濤亦寬容以待，但原來TVB醜化《全民造星》不止上述一事？
(帖文被連登網友cap圖留底)

相對獨立運作，由TVB全權擁有的網媒「See See TVB」，一直以較為出位開放的內容為TVB宣傳，更大膽用上網民冠以的「CCTVB」渾號反作名稱。日前在其IG Story上，就有一則「點解要喺J2睇《天竺鼠車車》」的貼文，當中就有一個男扮女裝的醜角，懷疑是以《造星》靈魂人物「花姐」作藍本，穿上類似眼鏡、黑衣與假髮，模仿似是花姐凝神皺眉的表情。
這個帖文何以需要惡搞花姐？原因相信是「黃Viu」與J2同樣獲得《天竺鼠車車》放映權，但明顯聲勢與人望較弱，「點解要喺J2睇《天竺鼠車車》」的意味，自然就是呼籲大家「棄Viu see see TVB」。

帖文在網上同樣惹起討論， 一樣是一面倒批評，更有人指，「TVB要靠惡搞Viu TV上位證明Viu比佢紅」，「幫Viu 免費宣傳」，更十足亞視末期時不斷單打對手刷存在感的行為。
至於與「偽花姐」同場出演的泰臣，亦被批評得不留情面，被狠批演技浮誇過時之餘，進入TVB後就更是淪落至不斷做小丑角色，「唯一成名作就係同阿輝拍野」，令人不勝唏噓。