林作借《黑豹》主角離世sell保險，隔空駁火王貽興 精選

因管理不善，由牛津畢業大律師被除牌淪為區會落選人再靠麥明詩上位淪為娛圈中人再淪為補習教師再淪為保險經紀的林作，借《黑豹(Black Panther)》主角Chadwick Boseman死訊推銷保險，招來網民及娛樂圈一致負評：

引用「45歲就大腸癌過身。疾病無從預測。一定要早啲check。check之前，記得搵#林作保險。」
（原文）

其後，王貽興見狀憤而出post狠批林作「講少句唔洗死…消費他人不幸」更繪形繪色諷刺林作一直依賴阿媽的裙腳仔作風，特別這句最為精警：「係咪令壽堂臨瞓前冇摸住你個頭同你講，你就唔知原來逝者要尊重？」

一直作風出位戰鬥格的林作，當然不順氣，連番po出聲稱是fans的inbox取暖，證明自己受人支持，林作其後更翻出舊仇，自稱幾年前私底下於messenger與王貽興討論感情問題，被「寫出黎擺上網」，故而引證「此人絕對係小人」。
而三句不出阿媽，又對「裙腳仔」標籤耿耿於懷的林作，果然馬上出文，借阿媽踩王貽興：「我啊媽打黎，認真問句：佢乜水？」，更引述阿媽形容他「識佢老鼠」，再配上小學雞嗌交必備的「保留一切追究權利」。


先勿論史上最年輕中文文學雙年獎得主，董啟章入室弟子王貽興，與林作相比，誰在學養才華、星途人氣上較出色，但林作近來的極端出位惹火行徑，尤其早前的四萬蚊西裝打卡事件，最後就自拍一段「記者會」短片道歉謂「我做錯咗，對唔住，我呢一刻係冇咗靈魂，我係一個傻咗嘅人，希望大家可以畀啲時間我，搵返我自己。」
上述甚至劉馬車之流作風的行徑，確實引人懷疑其心智情緒是否健全…他之前聲稱自己做保險是想一洗「保險狗」的行業污名，似乎反而是親身造就出業界蠶蟲的新層次。