麻利story批新人咬字不佳，姜濤fans全面開戰！ 精選 推薦

商台903DJ麻利的facebook與IG，向來不怕惹火，花生滿載，但一段批評現今新人咬字不佳、不肯學好的story，就挑起了一場意外風波。
雖然story的短文中沒有指名道姓，但姜濤fans紛紛對號入座，本身麻利的形容或者都意有所指，但（以麻利平時出post而言）尚算厚道溫和，也無阻香港最具機動性、忠誠度的姜濤fans出征圍攻。


向來無懼得罪人，經常貼堂的麻利當然將PM公佈天地，開宗明義

引用「我冇開夠就係因為我唔係講佢，亦都唔單只會講佢」

但也不忘屈尾十補一個尾彩：

引用「然後你地全部人就覺得我係講你偶像，會唔會係因為你地自己都聽唔到你偶像有懶音？」

反手一抽，暗示姜濤確有懶音，盡顯麻利善戰本色。

而fans們謂「姜濤只是一個新人及小朋友」，「唔需要唱歌咬字正都可以好紅」，就引來花生友的一陣嘩然，有留言更笑「21歲時陳奕迅已經出道了。」

而連登網民亦謂「好多新人其實廣東話咬字都好有問題，當然第一個浮現出腦海嘅的確係姜濤。」
同時亦quote起他為商台叱咤翻唱的舊演出，形容「講真都真係幾恐怖，好似聽緊新移民唱歌咁…」


當然，這番形容是否中肯，大家可以試聽一次再作定奪。

而麻利也為這場爭端打個小圓場，然而也暗中一抽fans為偶像護短是「受保護動物」，但亦強調自己對姜b的正面評價：

引用「我梗係知大部姜糖都係識得乜嘢係正確啦，大家唔使咁緊張，我會因為任何人嘅行為影響我對濤嘅觀感，大家都係成年人嘛。如果姜B係受保護動物就大件事啦，好彩佢都係一個緊張自己事業，努力不斷進步嘅人啫。」

總之，網絡上最具戰鬥力的DJ vs 現今香港樂壇最忠誠勇毅的一班fans，這台激戰肯定沒完沒了。但近年愈見死寂的香港樂壇，能夠重現fans為偶像爭戰，也是一場值得慶賀的熱鬧風景。