【80／90後必有共鳴的ｎ件事：好狠影評《Marvel隊長》】 精選

實話實說，我從不是Marvel影迷，有戲就睇，煮到埋就食，對《復仇者3》其實無感，亦冇太大動力追流行考證乜野彩蛋物物彩蛋（亦都要講多次，出完片尾roller果d叫「片尾片段」，「彩蛋」係放左入戲但大部份人唔發覺嘅細節）。當大部份fans追逐片中的細節考究「打唔打得低滅霸」，甚至「局長係咪變形人假扮」的fan theory，更叫我有興趣，是戲中的「90年代溫度」。
戲的本身，其實比原先預計好看一點，政治正確女權萬歲就梗，包容難民都講得好白，用詭族直線抽擊大美國主義，張超雄葉寶琳等左膠一定表示讚許。幸而對白同情節小趣味勾勒得宜，高潮起落有致，呢個亦係Marvel強項，令到呢套稱得上係「左膠版《白毛女》」的政治正確樣板戲娛樂性也算不俗。但1995年的設定與玩味，就可見呢套戲係超越了同門不少陳腔濫調。


Marvel的目標顧客，大致上都是七十尾到early九十後，對於戲中不少生活細節一定有所共鳴，像我這一條還自以為活在20世紀末2000年初的90後「懷舊Ｌ」，驚奇隊長由太空一撻落去「百視達」，就馬上勾起我小時曾在新城市廣場金獅、百視達租帶的回憶。慘得過最近報道謂百視達「全球只剩一家分店」，僅餘香火尚續在美國小城。


戲中大量出現的90年代玩具，就更叫我不停從外星人你打我我打你的場面中出戲，尤如重回玩具反斗城（陰功，都清緊盤）：首先是懷舊控必check的「Troll」娃娃，也就是酷似「李家鼎」同「黃伊汶」的披頭散髮公仔，自60代年面世就流行至世紀末，近年翻炒成電影《魔髮精靈》。

「NERF」玩具槍，是打滾過反斗城的男仔成長必經階段，玩具得來略帶科幻感，又最低限度仿照真實槍械，射的就是安全系數100的海棉彈，於故事中都搶戲非常。


戲中隊長的call機、電話亭、美式公路口水歌，女權版的《Top Gun》既視感，70尾、80後乃至早期90後，都總會尋回自己懷念的生活溫度。

而最令我這種「webpunk L」熱血沸騰，絕對是戲中健在的Window 95，Load條錄音檔都慢到攞佢命咁，而早年window的聲效一響，仲起雞皮過滅霸撻手指，一種一去不復返的科技懷舊親切感，喺一個社交媒體已經審美疲勞，反而追求返真實而懷舊的「後數碼年代」，簡直係一解鄉愁（nostalgia）。
可能部份Marvel迷都未必知，為連返90年代戲，《Captain Marvel》有個官網，大玩嘅正係更加正宗，乜野回憶都返哂來的90年代homepage……

https://www.marvel.com/captainmarvel/