So Ching退團，林作刻薄言論惹眾怒，但數度反擊「唔似RB，我永遠不會為我的言論跪低」 精選

曾活躍娛樂圈，又作為前大律師，現為保險經紀的林作一向言論偏鋒爭議，日前就著COLLAR成員So Ching退團一事，發言再度惹來公憤，但他似乎毫無歉意？
林作於其IG Share報道眾星為So Ching打氣的報道截圖，caption竟然是「可以以後做Collar的伴舞dancer吧，好似你男友咁」。

絕大多數網民的解讀，都認為他在傷口上灑鹽，刻意提起So Ching男友阿Mo伴舞時意外致癱的事件，更矮化她由團員變成陪襯。連一向尖酸直率的連登網民都謂其「真係過火」，「垃圾」，「Attention-seeking唔係問題，問題係佢揾唔到啲正常方法去draw attention，係都要揾啲 又cheap又低能 嘅方法做小丑，影衰Oxford Alum個名。」然而，林作並未道歉，甚至在不足一日內數度出post反擊，謂自己「唔似RB（Rubber Band），我永遠不會為我的言論跪低」，直指泥鯭早前爭議後，樂團道歉一事。

他更直斥批評者「神經病」，說So Ching「明顯沒有其他求生之道」所以建議她做回dancer，反問網民「dancer好失禮嗎？」，對指其「口臭」的批評似乎耿耿於懷。網民都謂他「嬲豬」。林作偏離社會常識的爭議言論可說多如星數，言行亦極為出位，其形像也由早期「麥明詩男友」的高學歷精英，到淡出政圈、娛圈，又與有積怨的鍾培生上擂台拳賽，一度擔任補習名師再轉投保險，逐漸被視為「出位」「小丑」。