【葉問打美軍……不如侵侵同你宣埋誓:東亞武打吹水大會】


《葉問4》的預告終於推出,打著「Finale」旗號宣佈將會是系列最終回,由打「日本仔」一打十,到「鬼佬拳王」「入佢中路」再挑「泰臣」不分上下,今次終於玩到「打美軍」,不讓吳京專美。

東亞武打,中日韓作品都例必有「驅除外虜」的FF幻想,尤其李小龍打後(真係以為自己)好打得的華文電影,永遠都會安排鬼佬角色,吹到人地係美國拳王係乜係物,然後就痛打一輪,打到成地都係之後就冠以「功夫」之名,是武學還是玄學大家心知肚明。


甚至在「武僧一龍」等號稱「真打實況」的擂台真人Show,都要高薪安排黑人留學生冒充拳王云云,可見中國市場對此是樂此不疲。好話唔好聽,霍元甲當年「力敗俄國力士」,對方不過也是雜技團藝人,呢類「表演藝術」可謂由來已久,是「武打電影」抑或是「神打電影」,觀點角度啦。


韓國電影同樣有將跆拳道無限吹奏的傾向,老吹歷史更是有如寫緊同人小說,又老老實實韓國武術傳統不深,一種國技講一世都情有可願,再者人地有兵役制度,藝人訓練又出名地獄級,男星的踢腳功架有板有眼反而令我都有少少意外。


但講到日本「打鬼佬」作品,不得不提《刃牙》系列,人FF你FF,人老吹你老吹,呢部長壽漫畫可謂去到終極層次:主角老豆、「地上最強的生物」範馬勇次郎,秒殺拳王阿里,一打一百不在話下,一掌可以將炭塊「揸」出鑽石,丹爺打美軍咁小事?勇次郎越戰時已經赤手空拳殺盡越共美軍兩邊。

而「地上最強的生物」勇次郎點樣突顯佢嘅威權?就係每屆美國總統上任都要向佢宣誓「互不侵犯」,由列根到克林頓,奧巴馬到侵侵作品中都無一倖免,睇埋希拉里唔服輸俾侵侵,打算要勇次郎俾佢宣誓一段,你就知道講FF講武打吹水,都要講層次講純度,《刃牙》絕對係高純度,AA+。


貿易戰打到雞毛鴨血又有「打鬼佬」傳統的中國,點可以俾日本仔贏到你的FF功底?《戰狼3》拿林拍段侵侵跪低同你奶腳指啦,官方叫你唔好拍你就唔拍,又點雖遠必誅?

數返呢場東亞武打吹水大會,《刃牙》作者板垣惠介係自衛隊空降特種兵出身,講打,應該好揪過葉偉信。

如果喜歡我們的文章,請即分享到︰

標籤: 葉問4  刃牙  武打  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→