林作狂晒4萬5西裝sell保險,又突然話「冇買到」?

因管理不善,由牛律大律師被除牌淪為區會落選人再靠麥明詩上位淪為娛圈中人再淪為補習教師再淪為保險經紀的林作,最近突然發功,自post買了四萬元西裝,宣傳自己保險團隊,更指同行為「保險狗」,招來網絡一陣風雨,但一兩日間他的說法反口覆舌、前言不對後語,又自戀吹噓的異乎尋常,到底他的神智是否正常?

首先在3日前的7月19日,他突然自post自己買美國總統當撈侵的御用品牌西裝Brioni,更貼埋單標明買了4萬5,更自稱「大律師、醫生,喺我年紀都唔會捨得買 Brioni、Tom Ford」,配上五短身材,頗有王祖藍風格的店舖前留影,囂張非常又可笑非常,成為網絡熱門花生。最精警莫過有人笑謂「Brioni變Bossini」。

MK而幼稚的內文,固然令網民聯想「搵到千八蚊飲哇哈哈營養快線」的大陸仔,亦引來不少時尚達人、藝人談論訕笑,但林作繼續主動發酵,王宗堯在內的藝人自貼抽水,但林作依然發作,興奮非常。

最高潮莫過林作突然又發post,內容爆點十足:

引用「你可以侮辱我,你唔可以侮辱 Brioni。
你可以笑我矮(171),你唔可以笑西裝為一個男士包裝身形嘅功力……
(中略)
喺你又留comment鬧我前,請你誠實面對一個事實:
冇咗我,其實你連咩係 Brioni 都唔知。連特朗普咁多年都係著 Brioni 都唔知。
冇咗我,唔通靠你地撐起呢啲舉世名牌咩!」


loading


劇情發展睇得大家滿頭黑人問號,連筆者嘗試爬文整理都覺離奇--最新發展又自稱沒有買到Brioni(咁張單係假文件?行使緊假文件?)。總之,林作走火入魔已是事實,有人估計他所以亢奮異常,可能患有情緒病也不定,到底是真癲還是扮傻宣傳,或者他本人都不清楚…

(林作不時自貼cap圖自J,是真傻定裝癲自行判斷了)

留言


請按此登錄後留言。未成為會員? 立即註冊
    快捷鍵:←
    快捷鍵:→