櫻井音乃會唔會係小池榮子接班人？延續"小池榮子神話"？

近期，櫻井音乃(2002年8月17日-)成為咗風頭人物，好多傳媒爭相搵佢做封面女郎，固然同佢推出寫真集有關。
而呢一位外表G-Cup嘅櫻花妹---櫻井音乃，又會唔會再造傳奇---成為小池榮子接班人而締造另一個 "性感外表影后實力嘅傳奇？
好多人將小池榮子同櫻井音乃 比較起嚟，或者因為兩位都係"有 Cup"人馬？真係咁簡單？日本演員小池榮子(1980.11.20)係一代傳奇人物，單睇外表G-Cup，以為只行性感(即俗語話：「波大無腦」？)咁就錯！佢係喺上世紀90年代走紅...起初亦係拍水著女郎寫真起家...
小池榮子臉上有痣，居然跟櫻井音乃喺呢一方面好相似。
挾當時36F頂級水著女優，去到22歲，亦即係一般水著女郎要轉型時期。佢居然可以轉型成功---不斷參與電視劇、電影、舞台劇等演出。(其實有一個秘密，小池榮子易肥胖，根本好難Keep 住大胸之餘亦要唔肥。)
2008年，以電影《接吻》獲得日本每日電影獎及橫濱電影節最佳女主角獎，演技受到肯定。
小池榮子今年年中接愛訪問提過---不必性感，用演技以及帥氣個性就能吸引人之類嘅話---通常都係名成利就嘅人物會講嘅類似說話？
而以上呢D，亦成為咗好多日本水著寫真女郎嘅奮鬥目標之一！佢現在亦不時Show一下自己嘅"秘密"---呢度可能有一段小插曲：
話說，小池榮子同另一水著女星MEGUMI (1981.09.25)參與《男女糾察隊》當女主持人時候，兩人互窒對方；小池問MEGUMI有冇收視率點算好之際，MEGUMI 直率回答話，“那東西，隨便露一下胸就有了~”呢一位同小池榮子昔日係喺日本一線性感水著寫真女郎嘅MEGUMI (上圖)，今年已40歲，出席綜藝依然性感...
只係...際遇同小池榮子差好遠...
而兩位大姐對話，亦引發(成就)日後好多水著寫真女郎嘅拍攝意念？
小池榮子以胸搞笑，亦令佢喺主持人事業上得心應手...做過好多綜藝主持人...
長江後浪推前浪，一代新人勝舊人，係千古不變道理？但"小池榮子神話"亦不斷要延續下去...
櫻井妹挾住「世界小姐」京都大會決賽參選者，以及獲得「女子高生選美2019」的獎項，究竟會唔會係"小池榮子神話"嘅接班人選？
由巨乳傳奇成就一代影后，小池榮子走過呢一段"崢嶸歲月"；櫻井音乃會唔會再創奇蹟？現時單睇外表，櫻井音乃似更勝小池榮子。
可以有好多巨乳水著寫真女郎，但要到達藝能界嘅影后級...就好長遠嘅路！
參考：
Fanpiece/ettoday/ptt/liverdoor/yahoo.jp/微博/新浪/櫻井音乃、小池榮子嘅社交網及相關網頁網圖等