高海寧、鄧伊婷嘅演技:冇騷胸冇長腿你睇唔睇?

光影言志辨 於 24/07/2020 發表 收藏文章
大台《迷網》一劇中,高海寧與鄧伊婷嘅性感衣著一幕幕一出街,肯定成為熱議對象!
不過,如果巴打視點向上移,高Ling同鄧伊婷嘅演技及表情包或者更值得了解?比如說:鄧伊婷喺劇中演”13點” 、”天生愛情狂” ,結果墮入男友嘅騙財騙色局面中,佢去追情追債…
鄧伊婷發揮自然,做到恰如其份!尤其表情係配合”13點” 、”天生愛情狂”果一種?
loading

小編相信鄧伊婷都應該好喜歡以上呢一幕,仲特登放喺IG上俾人睇---冇show胸冇長腿嘅鄧伊婷---你又睇唔睇?
而改名後嘅鄧伊婷又是否想你集中睇佢演技,而唔止佢嘅性感?
然後,係高Ling,小編最記得高Ling喺《不懂撒嬌的女人》中,佢做田蜜,全程以性感示人,但因為面對一眾好戲之人如:宣萱、唐詩詠(都係視后級人馬!) ,佢被傳因為NG(不懂做戲的女人?)而喊爆!
(註:上圖據聞係真唔係做戲,高Ling片場崩潰喊爆?)之後,更屢傳佢患上情緒病?
(高Ling收起性感賣演技,喺《金宵大廈》中做人母親)
最記得高Ling 2017年5月<明周>中接受訪問講過:「一直甩不開「性感」兩個字,無論怎麼努力去演每個角色,最終總被模糊焦點!所以很感恩得到「田蜜」這個角色,感謝監製(關樹明)對我的信任。」
三年後嘅今天(2010拍劇至今),高Ling居然可以喺兩個黃金時段出劇《迷網》同《殺手》,尤其後者,高Ling同視后李佳芯同場鬥戲!勝在自然!
而喺《迷網》中,高Ling演女一,一場場嘅"感情戲",開始展現對自己演技嘅信心!
高Ling劇中演繹老公偷食小三嘅妻子,有一定深度!
(上圖高Ling"空洞"眼神演繹絕望真係有幾分水準!)
於是,我哋可以從上下兩張圖見到一種微妙嘅引證:今日性感嘅鄧伊婷,就係昨日嘅高海寧;今日女一嘅高海寧,係從前喊爆被指"不懂演戲嘅女人";一代又一代嘅演戲家族嘅傳承...
高Ling近日IG接連出了剪短頭髮嘅相---收起性感,係唔係全力向女一演技派進軍?
參考:
Fanpiece/AM730/HK01/明報/明周/東方日報/新浪/微博/高海寧、鄧伊婷IG、FB及相關網頁網圖等
好懷念香港上世紀80-90年代嘅演戲女星,真係個個好戲之人,而且曾幾何時香港喺亞太影展係大贏家,女主角獎更係人才輩出...
可惜,2020嘅今天...或會否如梅艷芳嘅<似水流年>歌詞:「留下只有思念...」

留言


請按此登錄後留言。未成為會員? 立即註冊
    快捷鍵:←
    快捷鍵:→