女兒當自強：2018亞姐冠軍梁雪瑤笑看人生

花邊新聞報道，2018年度新鮮出爐亞姐香港賽區冠軍梁雪瑤（Sheryl），未有因冠軍光環而脫貧，據知一家六口仍住在300呎公屋。(養在深閨人未識？)由於身高1米73日，梁雪瑤閒逛銅鑼灣鬧市，惹人注目，但係未被認出亞姐冠軍身份，雖然靚女都會俾人望多兩眼。
梁雪瑤喺附近小食店醫肚，雖然大排長龍，但她相當有耐性排隊買雞蛋仔，未知是否太餓，買完即大啖大啖食，並眼仔睩睩望住面前的辣魚蛋及燒賣等小食，但可能下月要到韓國受訓，要開始節制，故惟有忍口唔買。(慳家可脫貧？)喺一間大型平民時裝連鎖店，梁雪瑤就睇秋冬季新貨，最終都係兩手空空走人。之後又到商場的書店打躉，打書釘成粒鐘。無論是有關建築的書籍或小說，她都特別感興趣，直至收到電話後才匆匆放下書本走人。(讀書可脫貧？)
原來，據了解沒有富爸爸Sheryl梁雪瑤，係叻女當自強，去年已經得到澳洲墨爾本大學建築系碩士學位取錄，卻因未能負擔學費而放棄！

結果只能改跑線，先做工選亞姐？未有自怨自艾，梁雪瑤一直努力拚搏，她曾經講過：「永遠記得要笑着面對人生。」梁雪瑤話能夠完成選美夢想非常感恩，一直低調的她會加緊增值，希望將來有機會再到外國進修。
參考：
Fanpiece、HK01、東方日報、梁雪瑤IG及相關網頁網圖等
她們也靠選美脫貧，問題係楊思琦、朱晨麗選嘅係TVB港姐，張文慈雖係亞姐但最後係被逼迫至要拍三級片！而喺世界嘅一端，委內瑞拉國家窮得好慘，但係偏偏窮得只剩下選美，因為委內瑞拉盛產美女，而月常常是環球小姐、世界小姐選美賽的"常勝軍"。認真諷刺！