游蕙禎孖Wingbi 去打地盤工？

因為一張建造業議會刊物《建築人．建築事》嘅封面人物圖，網友以為「游BB」嘅游蕙禎轉行去咗做地盤打工？
青年新政游蕙禎因為非法集結罪成被判入獄，上個月出獄後就冇再現身。接住網民話「游BB」喺《建築人．建築事》嘅封面做女郎，點知……
原來係建造業議會搵咗理工大學學生Wingbi分享喺地盤工作嘅經驗，呢位學生同「游BB」勁似樣，大家就開玩笑話游蕙禎孖Wingbi一份工兩個人孖住做。點知「游BB」接愛報章訪問時講，佢覺得Wingbi靚佢好多好多。呢嗰要由網民同巴打們嚟判斷好啦。
結果，「游BB」將專美俾晒21歲嘅Wingbi------理工大學環境及職業安全與健康課程三年級學生，仲係鋼琴演奏級嘅高手。Wingbi最近去咗地盤做嘢，擔任安全實習生，提醒工友喺地盤工作時要做足安全措施。佢話希望大學畢業後投身建造業，立志成為一個註冊安全主任。
Wingbi仲話，好多地盤師傅對佢都好友善，平時下午茶時間，大家會一齊傾偈；如果見到同事爬高爬低，啲師傅又會提醒大家小心，「地盤真係好有愛」！
參考：
Fanpiece、HK01、東方日報、明報、蘋果日報及相關網圖
啟示：
1. 呢位Wingbi並唔係Model，係真係讀緊相關行業嘅工作！但鋼琴高手做地盤又有冇矛盾？

2. 近年建築業真係搵咗啲靚女嚟做宣傳引人入行？定係真有咁多靚女真入行？好似下面兩人都係俾網民發現...
上面真有其人，下面可能係Model？