張繼聰男人之苦VS姚紫茵的女人辛苦 精選

做男藝人辛苦，還是做女藝人辛苦？前者由張繼聰瞓身演繹，後者由姚紫茵胸口演繹。
話說，張繼聰主演網劇《向西聞記》不單有很多粗口對白，佢仲要同陳意嵐(下圖)有激情肉搏戲，意識非常大膽。有老婆謝安琪嘅張繼聰要解畫話：「都係一啲新嘗試，拍出嚟生活感啲，粗口內容自己都要練習一下，不過都係點到即止，呢啲性愛同粗口情節喺外國好普遍，都係劇情需要，現場播緊我都有留意觀眾反應，都好好，粗口雖然係有殺傷力，但都有娛樂性。（不適合兒童觀看？）過多幾年先，依家睇卡通片先。」雖然劇中又有粗口對白，又有性愛場面，但事前早跟老婆溝通咗先，但佢就唔鼓勵老婆謝安琪拍呢類電影(即係男就得女唔得？)，可以拍動作片，但不可以拍「愛情“動作”片」，只鼓勵她唱歌。尤其話說同陳意嵐嘅性愛場面：「拍時一啲都唔浪漫，九個男人喺場邊，咁多人圍住我，你哋睇得我好爽，但其實攝影師隻大髀喺我床邊咋！」
小編就想同張繼聰講，學一下杜汶澤喺《選老頂》、《豪情3D》中同陳意嵐、日本女星星辰巳唯嘅肉搏場面啦，睇杜汶澤一啲都唔辛苦仲好Enjoy？仲有…
至於，女藝人又點辛苦？問問36D姚紫茵！話說22歲模特兒姚紫茵有36D「驕人」上圍，不單表示自己係天然無添加，仲呻自己有太大負擔：「尤其是天氣熱，戴住胸圍好辛苦，但喺香港又唔可以唔戴，同埋有時跑步都會辛苦。（接受到喺香港以外地方唔戴Bra出街？）接受到，我會黐乳貼。（喺香港試過？）梗係冇！」唉！外國男人可能真有福？原來仲有王宗堯一樣有福，兼無好似張繼聰咁呻同女做床上戲辛苦，有圖為證：純粹睇圖，王宗堯似乎更加辛苦？小編最佩服係姚紫茵話36D戴Bra辛苦，但拍床上戲一啲都難佢唔倒，姚紫茵咁樣「騎乘」都無怨言！張繼聰都係算罷啦！參考：
Fanpiece、蘋果日報、東方日報、東方新地、姚紫茵IG、相關網頁及網圖等