《溏心風暴3》「藐神」反白眼莊思敏重塑《審死官》嗌交經典?演繹勁似老夫子筆下嘅

光影言志辨 於 06/01/2018 發表 收藏文章
喺2017年尾,TVB下咗「禁色令」(俗稱「限奶令」),各位女演員都會有所避忌。莊思敏本來就可以好出位:
但喺《溏心風暴3》裡面,因為莊思敏飾演李成昌老婆,無咩嘢「show body」嘅機會!
不過咁可能仲好,因為劇中就開正莊思敏另一強項「瓣數」---就係同人嗌交、鬧交啦!
話說莊思敏同米雪有唔少嗌交戲。其中一場戲,莊思敏將「八婆」嘅角色演繹得淋漓盡致。仲將經典老夫子嘅「八婆」上咗身
除咗向米雪挑機,仲鬧爆對方「多事幹」!其後又大爆押韻金句:「你外表高貴,個心就最計。」之後仲話:「你睇下佢又係呢個樣啦,最叻就係喺適當嘅時候唔聲唔聲,做到好似好高貴、好有內涵、有寬宏大量咁囉,虛偽!」
要睇莊思敏點樣巴渣法,就要去片:
參考: Fanpiece、Youtube、東方日報、蘋果日報及老夫子等,以及相關網頁網圖
其實,每個演員都有佢嘅演技,有時候TVB下咗「禁色令」對女演員嚟講都係好事。至少,令到觀眾嘅雪亮眼睛唔些停留喺女演員嘅身材上,亦同時會注意女演員嘅面部表情/身體語言嘅演技上…
不過,多口一句,莊思敏究竟係演繹緊許二少太太雅莉珊;定係演繹番自己呢?莊思敏又會唔會演繹多一次「反白眼」呢?

留言


請按此登錄後留言。未成為會員? 立即註冊
  • ao6121 於 07/01/2018 評論 NO. 1

    圖就九品芝麻官,文字就審死官,圖文不符。

快捷鍵:←
快捷鍵:→