《常在你左右》@St.羅蘭：揮低一眾當家花旦新紮姐仔？

佩服St.羅蘭(1934.11.13)到「六體投地」，佢喺為紀念港產片《陰陽路》20周年紀念而推出的港產新片《常在你左右》中，「龍婆」一角依然神采飛揚，面對一眾當家花旦也好，新紮姐仔也好，老戲骨也好，St.羅蘭依舊從容不迫，交出應有戲份！
首先，每年十月「哈囉喂」之際，都會見到St.羅蘭扮鬼扮馬嚇大家！今年佢一拍埋高Ling，高Ling立刻都要彈開？主題公園宣傳2017萬聖節靈魂人物羅蘭姐孖住高Ling大玩「俏護士Look」---呢個造型會係嚟自《Silent Hill》(港譯《鬼魅山房》)嘅「鬼護士」！
然後，打開電視睇《老表》，又見到St.羅蘭，喺一批靚女明星中依然魅力不減！
接住去睇大銀幕，又見到St.羅蘭做「龍婆」講因果！仲要揮低一眾當家花旦新紮姐仔？
喺《常在你左右》中，睇圖即見連影后蔡卓妍都要喺St.羅蘭身邊「靠邊站」！(註：問題係佢哋點解關連起來呢？睇戲自有答案！)
即使，連視后阿佘佘詩曼爬住嚟拍戲都好，都唔夠St.羅蘭一招招牌陰森笑容厲害！St.羅蘭、古天樂同阿佘之間關係微妙！
雨僑扮女鬼瞓身跳埋樓，嚇到腳震，美艷有餘，但戲就…
仲有，女子音樂組合Super Girls 成員李靜儀(1991.02.27）扮靚女鬼，但死得好慘！
李靜儀扮人頭唱盤嚇人！李靜儀又點解會纏住阿佘唔放？
最奇怪係，喺《常在你左右》中，有「關曉彤」做渡假屋整容失敗自殺女鬼一角色，但資料無顯示亦無宣傳，同名同姓？只能存疑！如果真係佢，咁就由真人「鬼火咁靚」演繹「鬼咁醜樣」！(最慘連圖都搵唔到，戲中只有古天樂睇到下圖，點解嘅)
仲有想喺蔡卓妍間渡假屋自殺女生，不斷寫「死」字，一樣「鬼火咁索」？可惜都搵唔到圖，無得睇！
好！「鬼火咁靚」嘅美女明星都數過晒，但St.羅蘭依然魅力不凡，且戲路縱橫！
Fanpiece、HK01、Yahoo、Youtube、每日頭條、東方日報、蘋果日報、關曉彤IG、《常在你左右》官方微博，以及相關網頁及網圖等
註：《常在你左右》是不能劇透的，尤其D靚女鬼點解及點樣死；只能夠講係：電影講咗一場詭異的車禍(人禍？)牽連一眾本來互不相干的人之間的故事(電影中St.羅蘭想喊停亦太遲！)。呢嗰亦帶出佛教嘅「不昧因果」及「不落因果」嘅觀念！劇中人物冥冥中生死走在一起，亦回應電影主題及名字《常在你左右》！