扭蛋機奇緣之湯洛雯擔正,但「馬壯」與「皆大歡喜」依舊搞笑有餘

光影言志辨 於 01/09/2017 發表 收藏文章
湯洛雯喺《燦爛的外母》中,終於擔大旗,雖然第一女主角依舊係「皆大歡喜」薛家燕。
呢部輕喜劇,視點係以湯洛雯飾演嘅司徒嵐為主;劇中湯洛雯係以追夢、尋夢嘅身份,跟友人如吳沚默(上圖左二演攝影師游菲兒)、梁茵(上圖左一演印度彩繪藝術家彭喜詩)一齊開樓上Café創業追夢、尋夢去。
而湯洛雯飾演嘅司徒嵐係一個網絡小說家,佢喺劇中有兩句對白,可能會令好多網上寫作人都感動---寫網絡作品唔係為咗搵錢(中文字幕:不要與金錢掛勾)
湯洛雯飾演嘅網絡小說家,把姚子羚與黎諾懿男女愛情大鬥法最後分手寫成小說上載網路上去!
湯洛雯飾演嘅網絡小說家不但追夢、尋夢,而且非常天真傻大姐,居然為咗部扭蛋機而追來追去!
今天殘酷現實中嘅香港,又有幾多人會為咗部扭蛋機而搏命?
30歲嘅湯洛雯演繹發夢愛情少女心事,跟之前《與諜同謀》嘅商業間諜辣妹及正在播放中《同盟》嘅富二代泡妹羅皓雯(Kelly),係完全不同嘅演繹。[/b][/u][/size]
究竟,湯洛雯尋夢愛情少女最後嘅結局會點樣?暫時唔知,但係湯洛雯飾演司徒嵐網絡小說家一角,傻大姐形象清新可愛,你又點睇?
無事業線,穿著又重少女Kawaii味,30歲嘅湯洛雯演繹發夢少女心事,仲好傻大姐,你又點睇?
參考:
Etnet、Fanpiece、HK01、TVB、湯洛雯IG、Facebook等相關網頁、網圖
最可惜係黎諾懿嘅「馬壯」擦鞋仔左右逢源嘅形象太深入人心,以及薛家燕嘅「皆大歡喜」形象又永遠如一!結果搞笑有餘,但就不可能突破?

留言


請按此登錄後留言。未成為會員? 立即註冊
    快捷鍵:←
    快捷鍵:→