人生十年@《蘭花劫》(2007)造就多個「女星我至...」?

光影言志辨 於 16/06/2017 發表 收藏文章
睇《蘭花劫》(2007)有好多感慨,因為人生又幾個「十年」?至於「女星我至大」,唔係指佢哋身材,係指…
首先,最令人驚喜係「長青」馬蹄露(1967.12.06),喺電視圈屹立不倒!馬蹄露喺劇中扮演霸凌女囚犯,惡形惡相,喺微博話佢鍾意呢個角色,仲加一兩句上海話!馬蹄露十年如一日演盡奸角,結果去街被人指住話「醜、討厭」但都因為演技好先會咁,「只要有自信嘅女人就係最靚」。你又點睇?
想當年馬蹄露喺1996年由曾志偉引薦加入TVB,佢演《真情》「May May」彈起,刁蠻小姐形象深入民心,據聞當年「May May」跳樓一幕收視高達42點,比2017播《蘭花劫》高兩倍。
另一大感慨係,當年得令「美女廚神」蘇玉華(1968.01.16)係第一女主角演炎沛湖(楊采瑤),全劇似為佢度身訂造,演反派奸到出汁。可惜始終同視后無緣,反而舞台劇不俗。蘇玉華係少數能喺舞台劇同「公仔箱」都吃得開嘅戲之人。
蘇玉華喺劇中被玩殘,據小道傳聞係得罪咗TVB?(上圖被水淋,下圖被逼吃小強口水飯?意識噁心!)
仲有佢---當年由亞視轉會過檔嘅田蕊妮(1977.09.28),拍《蘭花劫》演江麗雅卻出唔到街,直到阿田遇上伯樂監製王心慰,奠定TVB第一女主角地位,亦贏得兩屆視后。阿田同蘇玉華一樣好戲,不時演出大銀幕。
阿田遇上王心慰,造就視后俾觀眾嘅好戲連場!
至於當年話自己係新人嘅胡定欣(1981.09.09),劇中出場無耐就歸西,但最後憑《城寨英雄》奪得事業高峰視后。終於有出頭天!
另外,胡定欣舞功(鋼管舞及拉丁舞)了得,跟以上幾位女星一樣,都有十八般武藝旁身。
唐寧(1981.12.05)演蘇菲,雖然係第三女主角,亦同視后無緣;但翻查記錄先知,佢喺電視之外,電影、舞台劇等一樣吃得開。又係一個全才女藝人。
陳自瑤(1981.08.27) 拍《蘭花劫》演監犯,話仲未識老公王浩信。雖然始終上唔到一線,但同唐寧一樣嫁得好。
不知為何,高登仔對陳自瑤…?
魯芬(1953.04.07)亦同馬蹄露一樣係「綠葉王」,跟以上所有女明星一樣,都能夠喺電影圈、舞台劇等屹立。想都想唔到係魯芬喺「高登女神選舉」,曾經位列十大排第八。可惜,斯人已逝!
如果,摒除畫面質素、戇居劇本等問題,十前年拍成嘅《蘭花劫》中嘅一眾女明星及女藝人,都可算對「女星我至大/至勁」也當之無愧!
Elle.com、Fanpiece、明報、明周、東網、高登網、香港01及相關網圖等等

留言


請按此登錄後留言。未成為會員? 立即註冊
    快捷鍵:←
    快捷鍵:→