當男主角不一定幸福,好似黃嘉樂咁仲幸福:《心理追兇》連環親近王君馨與陳芷尤

光影言志辨 於 17/04/2017 發表 收藏文章
拍電影、舞台劇或電視劇,邊個唔想做阿一男主角?偏偏喺《心理追兇》中,好多「巴絲打」包括我都寧願做男配角---黃嘉樂嘅男配角色!
話說,劇中黃嘉樂做嘅方家朗呢一個醫生角色,居然被王君馨主動追求;更重要係編劇導演仲好Buy黃嘉樂嘅意見,同現實中嘅「準人妻」王君馨有一場非常令「巴絲打」睇到肉緊嘅「床上戲」兼且主動加插「嘴嘴戲」!
原來,黃嘉樂係咁樣解釋兼勸服王君馨:「因為鏡頭Hold好耐,兩夫妻淨係錫頸會好奇怪,所以問清楚君馨咀嘴有冇問題,佢都覺得劇情合理。」而且,難得連王君馨都笑言錫頸戲先有問題:「第一次拍錫頸戲有難度,因為我好怕痕!」

然後,黃嘉樂嘅醫生角色轉頭又同女護士陳芷尤搞埋一齊,喺車上做「車震」戲!
陳芷尤話「車震」戲拍時令到佢好熱,相反黃嘉樂接受訪問時話:「其實嗰晚我哋唔使現場收音,拍close up嗰陣,都有打開門同窗,拍wide shot嗰陣,司機都開咗少少冷氣,所以都唔會太辛苦。」!
女嘅話好熱,男嘅話唔熱,我諗反而睇嘅會熱!
不過,有一樣可以讚嘅係黃嘉樂嘅專業!同兩大女神拍攝情慾戲,都被女方讚!黃嘉樂,你好嘢!
喺《心理追兇》中,馬國明先係男主角
參考:
東方日報、蘋果日報及網圖

留言


請按此登錄後留言。未成為會員? 立即註冊
    快捷鍵:←
    快捷鍵:→