《我瞞結婚了》@短髮皮褸傅嘉莉:「男仔唔鍾意呢啲Look」---為何男人總愛女人長頭髮?(Natalia Vodianova 與劉心悠的長髮示範)

光影言志辨 於 13/03/2017 發表 收藏文章
前日,傅嘉莉出席皮革造型活動兼接受新城訪問時,話:「男仔唔鍾意呢啲Look。」一向大波浪長鬈髮盡露野性美嘅傅嘉莉剪了一頭短髮,並配合新劇《我瞞結婚了》所演角色紀文意。
為咗配合新劇《我瞞結婚了》所演角色紀文意,傅嘉莉引刀為一快剪...剪一頭長長秀髮啫!
據聞,劇中人物紀文意係水底攝影師兼潛水教練,非常男仔頭,敢愛敢恨,不愛受傳統束縛,瀟灑率性;尤其對弱勢群體和動物有善愛心,又注重環境保育及熱愛水下世界。哦,明白了,所以要以短髮男仔頭示人!但剪了一個男仔頭的傅嘉莉,一樣都好美麗!
問題係傅嘉莉所講嘅「男仔唔鍾意呢啲Look」,居然帶出了一個千古問題來:為何男人總愛女人一頭長秀髮?
第一個可能來自希臘神話中嘅海倫(Helen of Troy)是希臘神話中宙斯之女,她嘅一頭長髮令她被譽為「世上最美的女人」,因為她跟特洛伊王子帕里斯私奔,引發了後來嘅特洛伊戰爭!
但更可能是她---美杜莎(Medusa),是希臘神話中的一個女妖,據說美杜莎本是一個美麗少女,由於她竟敢和雅典娜(希臘神話三大處女神之一)鬥靚爭妍,並大吹大擂自己嘅美髮比雅典娜還要漂亮動人,因此激怒了雅典娜把她變成了一個可怕的怪物。尤其將她一頭美麗長髮變成了一條條盤旋頭頂的毒蛇---令男人迷惑而變成石頭!(註:不少男人會被女人嘅大波浪長鬈髮所吸引,原因可能在此?)
上面兩圖係俄羅斯超級名模有「水果莉」暱稱嘅Natalia Mikhailovna Vodianova (1982.02.28)曾在電影中飾演美杜莎(Medusa)!但Natalia Mikhailovna Vodianova本身亦有一頭美麗嘅大波浪長鬈髮,看圖就知:
怎會想到在《人‧神‧魔戰》(2010)中出演美杜莎的Natalia Vodianova 娜塔麗婭 沃迪婭諾娃已經成家了,還有三個孩子了?
西方神話如是,東方亦然!葉慶炳教授在《談小說妖》中指出,東方不少美女妖精都是有一頭長長美髮的,藉以吸引男人;尤其狐狸精要誘惑男人,會把其狐尾巴變成一把長長秀髮!
東西方文化中的美女長髮之謎,信不信由你?但點解男人始終鍾情女人嘅一把長長秀髮(無論直髮的還是鬈髮的),睇嚟都係千古之謎團!究竟你又鍾意女性長髮還是短髮?
再睇睇下圖
由左起嘅安海瑟薇(Anne Hathaway, 1982.11.12)、艾瑪屈臣(Emma Watson, 1990.04.15)、莉莉柯林斯(Lily Jane Collins, 1989.03.18)和艾瑪史東(Emily Jean "Emma" Stone, 1988.11.06),剪起短髮你又覺如何?
參考資料及圖片:蘋果日報、東方日報、Jet-Magazine、時光網站及網圖等等

留言


請按此登錄後留言。未成為會員? 立即註冊
    快捷鍵:←
    快捷鍵:→