Emilia Jones@《鬼域殺人事件》(GhostLand, 2018)之點滴...

光影言志辨 於 27/05/2018 發表 收藏文章
先為大家用圖片再重組 "劇情":
電影中女主角係著名恐怖女小說作家Elizabeth Keller,佢寫咗一本非常暢銷嘅恐怖小說叫《Incident in a ghost land, 2018》(港譯:鬼域殺人事件)。同電影名字一樣嘅...
之後,Elizabeth Keller(電影中譯貝絲)仲名成利就上埋電視接受訪問。
小說(電影)的故事講Elizabeth Keller同阿媽、家姐去接收阿姨嘅遺產---一間古怪偏遠嘅屋!
間屋十足鬼屋咁款,點知最恐怖係……有人非法闖入,阿媽俾人打……兩姐妹仲
以為事過境遷,當發咗一場噩夢就算,而Elizabeth Keller又名成利就又寄好多錢俾阿媽,點知阿媽執意要同家姐住翻係嗰一間古怪屋……仲一住就好幾年
點知有一日接到電話後,家人要求Elizabeth Keller返去嗰一間十足鬼屋度探望去
點知怪事又再一一接連發生……
1. 家姐有創傷後壓力症候群:自己疑神疑鬼虐待自己?(上圖)
2. 阿媽變得奇奇怪怪又強顏歡笑---明明間屋發生過非法闖入意外(Incident),點解唔走?
3. 最後搞到Elizabeth Keller自己喺間屋到走嚟走去,疑神疑鬼?
4. 究竟,發生咩嘢事呢?
睇《鬼域殺人事件》,千萬唔好透露中段逆轉情節;因為電影劇本用咗“後設小說”(metafiction)嘅格式---係賣點之一。(為方便大家記憶,我哋邊睇靚女,邊介紹咩嘢叫“後設小說”格式)
克莉絲朵・里德(Crystal Reed, 1985.02.06)美國演員。演電影中長大後嘅Elizabeth Keller成名作家
“後設小說”格式即係透過自我意識的覺醒,刻意凸顯書中虛構的錯覺,隨後揭露故事的「真相」。
艾米麗雅•瓊斯(2003.02.23)演電影中少女嘅Elizabeth Keller,16歲卜卜脆。而佢正在喺車上同阿媽讀緊佢寫嘅恐怖小說。
“後設小說”格式及手法有:由角色夫子自道,說自己是虛構的;在故事中再創作一個故事,凸顯小說虛構的特質;故事中安排其中一個角色正在讀一本小說,並將書中書小說的內容跟書的情節交織!
((Emilia jones, 2003.02.23)同(Emma Watson, 1990.04.25)有幾分神似)
“後設小說”格式亦採用如非線性敘事、時空跳躍和故意前文不對後理等,反諷愈像真的其實就是假的等等;目的要讀者抽離,時刻記著正在讀著的只是一個小說(電影),並非真實。
Emilia Jones勝在年青貌美,前途似錦。佢亦造就電影賣點!
參考:
Fanpiece、HK01、明報、Emilia Jones相關網站及相關網頁網圖等
法國電影導演Pascal Laugier(帕斯卡爾•盧吉哈1971-)藉電影中的女主角Elizabeth Keller的恐怖驚慄小說,一開場就要向恐怖小說大師洛夫克拉夫特(Howard Phillips Lovecraft, 1890 – 1937)致敬!(註:Howard Phillips Lovecraft是誰?他是美國的恐怖小說作家之一,跟愛倫坡(Edgar Allan Poe, 1809-1849)有承先啟後的影響力。
出自電影女主角Elizabeth Keller(中文譯小名貝絲)手筆《Incident in a ghost land》,也問了如右:創作恐怖驚慄小說或劇本的作家、編劇群需要經歷過切膚之痛的雷同遭遇嗎?

留言


請按此登錄後留言。未成為會員? 立即註冊
    快捷鍵:←
    快捷鍵:→