20幾歲女演初中生有幾正?課本仲有AV女優@《老表畢業喇》嘅一群「跑龍套」

光影言志辨 於 02/11/2017 發表 收藏文章
由於電視劇集人物眾多,好多角色可能喺觀眾一眨眼間就過去,好似參加過2017全球華人新秀歌啪比賽入圍嘅Katrina古皓欣(上圖短袖白衫F2女生),發放「TVB老表畢業喇! 學生妹組圖 20歲演初中學生係正既」相片,先至知道原來有佢出現過,喺劇中係明德中學嘅初中生!
但係,事實上,喺《老表畢業喇》中,「學生妹組圖 20歲演中學生係正既」唔止佢一個人。
仲有SIS樂印姊妹(上圖)------姐姐駱胤樺(樂樺)及妹妹駱胤鳴(烙印)+譚嘉儀,三個人加埋都有80歲,仲要演爾雅中學嘅10幾歲靚妹女學生。咁又算唔算超齡?
真正諷刺係姐姐駱胤樺(樂樺)係有教師牌可以教書,但劇中變咗超齡學生妹!
仲經典嘅「跑龍套」出場人物係佢---扮演由補習成印刷嘅中文教科書裡面嘅翻版AV女優--- 警訊之花馬溱禧Heily Ma!
Heily喺劇中居然有名有姓扮日本AV女優杉山小寶!
警訊之花馬溱禧Heily Ma突變為日本AV女優杉山小寶?
講咗咁耐,劇中真係名符其實嘅初中生係佢---梁暐昕(下圖),童星出身今年13歲。雖然係童星,但係好似御用「跑龍套」:《使徒行者》演歐瑞偉個女、《不懂撒嬌的女人》演宣萱嘅少年。梁暐昕仲有「無綫御用催淚彈」之稱
睇咁耐劇集,最經典嗰句都係「本故事純屬虛構,如有雷同,實屬巧合」。以上所講嘅「跑龍套」嘅女生,「真作假時假亦真」,「你記得也好或許你忘掉」?
參考:
Fanpiece、Yahoo、lihkg討論區、Katrina/皓欣IG、SIS樂印姊妹facebook、譚嘉儀facebook、馬溱禧Heily Ma facebook等,以及相關網頁、網圖

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→