鞏姿希首拍旅遊節目 點搞到濕晒又瘀晒?

光影言志辨 於 23/12/2019 發表 收藏文章
近來人氣驟升嘅鞏姿希(Krystl),繼《Do姐有問題》做咗「日本專員」取代人氣王鄺潔楹之後,早前又飛到韓國拍攝節目《出走地圖》……
原來,《出走地圖》係Krystl嘅第一次!?第一次主持旅遊節目,令佢好興奮,仲自爆可以食佢最愛醬油蟹?
鞏姿希接受訪問話:「我自己喺韓國生活過,所以對醬油蟹味道同食法加咗好多意見落去,我仲食到導演叫Cut機,話叫我講完先好繼續食。我最勁可以一個人食六至七碟醬油蟹,諗落都覺得自己好勁。」(食醬油蟹會令係Kryst覺得自己好勁?)
(小編突然諗起鄺潔楹講過類似以上嘅話...?)
跟住,Krystl又去咗一個玩水槍嘅嘉年華,點知畀幾個唔識嘅Oppa射到濕晒:「可能佢見我一個人去,我一入到去,已經有幾個韓國男仔用啲好勁嘅水槍射到我濕晒,同埋因為個水力好勁,所以我第二日返到酒店發現手腳都瘀咗。」
哦?原來係玩「水槍」?
其實,Krystl身高1.76米算係屬高妹一族---於是?慘了!網上討論區有巴打話佢「平平無奇」?
睇睇上下,你又睇唔睇得出Krystl點樣「平平無奇」呢喂?
於是,小編突然又諗起鄺潔楹話自己被前度男友拋棄係因為……
小編發奇想:究竟,<3日2夜>可唔可以撮合兩個「一高一矮」卻又「平平無奇」嘅女子一齊去旅行呢?
參考:
Fanpiece/hk01/msn娛樂/yahoo/東方日報/香港各討論區/鞏姿希、鄺潔楹社交網及相關網頁網圖等

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→