青蘭VS貞子:《平安谷》陳瀅青蘭再現貞子纏身?

光影言志辨 於 25/01/2018 發表 收藏文章
大家比較一下貞子真身同陳瀅之前寫真集相片,係唔係好有貞子咒怨嘅Feel?
《平安谷之詭谷傳說》有唔少網民追住睇!其中,本來陳瀅所飾演嘅邱青蘭被殉葬但死裡逃生又翻生,大家都感到非常高興!
原本已瞓咗喺棺材,點知唔死得,陳瀅仲爬翻出嚟,好驚嚇又好有貞子爬井Feel?
但點知高興咗一集,陳瀅又為咗要救好姊妹沈卓盈免於殉葬而自焚恐嚇平安谷一班男人而死咗,大家又大感不值!坦白一句,陳瀅出場時間唔多,但就非常具有話題性!
首先,第一集就講平安谷男人要根據村例,將陳瀅扮演的邱青蘭,活生生埋葬殉婚,令觀眾網民非常震撼!
本來以為陳瀅就此歸西,點知佢又命不該絕,死裡逃生,從墳墓裡邊爬翻出場,現身於觀眾眼前,令唔少網民相當驚喜話︰「真係好懸疑呀!」、「終於等到陳瀅BB出嚟」。
本來好好地有四個村姑Look睇,但點知都係睇得一陣就無咗啦,因為青蘭又要去報仇...阻止好姊妹沈卓盈被殉葬!
呢度圖就係"陳瀅青蘭貞子"下定決心一人赴死!佢仲鎖住班好姊妹---龔嘉欣同蘇玉華喺山神廟,唔俾佢哋出嚟幫拖!非常之英勇!
事實上,"陳瀅青蘭貞子"嘅另外兩個好姊妹---沈卓盈同譚凱琪亦早已被男毒打同囚禁咗啦!
但最峰迴路轉係,青蘭為咗令村入面的婦女不用殉葬,居然犧牲自己,用火藥硫磺將點火將自己喺火堆中活生生燒死。仲嚇到班村民魂飛魄散!
一眾網民以為可以睇多幾眼陳瀅的村姑打扮時,點估到陳瀅只係曇花一現,搞到唔少人喺討論區鬧爆話浪費咗青蘭!大家都為"陳瀅青蘭貞子"同哭一聲?
最後,《平安谷之詭谷傳說》可能最成功嘅角色,可能就係陳瀅啦!雖然出場只係短短一兩集,但就成功令觀眾網民留下深刻印象!
令觀眾網民留下深刻印象方法有好多!

現在,甚至有網民到佢IG留言話見到佢都覺得驚。唔知陳瀅有望繼承羅蘭姐演「龍婆之今生來世」少女版?或者係「青蘭VS貞子」同日本女鬼王貞子硬撼纏身?
參考:
Fanpiece、東方日報、壹周刊、陳瀅IG及相關網頁及網圖等

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Sammy Chan
    Sammy Chan 於 26/01/2018 評論 NO. 1

    湯寶如 呀…

快捷鍵:←
快捷鍵:→