薯片女生旁觀「玩嘢男女生」都被退學!日網民發功惡搞佢?

光影言志辨 於 14/05/2021 發表 收藏文章
日本近日喺社交平台鬧得非常熱鬧係---「食薯片JK(女高中生) 被退學事件」,原來係咁…結果引起網友熱議兼為「食薯片女高中生」惡搞兼抱不平!
(仲上埋新聞?)
事件其實好簡單:據說近月有一男兩女高中生,有兩位喺自拍貼紙機入面大玩拍攝"猥褻照片"。但同時原來入鏡嘅有第三人---就係呢一位薯片女高中生...本來佢哋只係貪玩,影完相放相社交平台呃吓Like兼想俾人關注一下啫...
點知...被退學???而且,呢1男2女上載推特帳號亦已停用...但網友發現後卻近月大推特推!
兩位男女高中生玩嘢---影相兼上載,是是非非,見仁見智,或者無可厚非,又或者不可寬恕?但連喺旁邊食薯片都被退學?
結果,有日本網友紛紛聲援呢一位暱稱薯片姐姐(ポテチ姉貴)嘅女高中生,唉?呢一次真係審死官?
日本網民們齊齊發揮想救佢...結果又好似變咗連串惡搞咁款?
網民們努力搜救中...發現男學生手臂校徽!原來係...
「武藏越生高中」---喺日本Google頁面被灌爆只得「1星評價」?
正當日網友齊齊發功撐薯片姐姐...

有心水清網友勸大家不要輕易出征,並懷疑呢一個都係一場惡搞???因為事件重重疑點!

首先,係根本唔確定呢D照片幾時影?佢哋係唔係高中生?其次係「武藏越生高中」制服,亦唔能夠百分之百肯定佢哋係嗰間學校嘅學生。
(但小編發現D網友好少理,一於惡搞玩咗先算?而且仲發揮動漫王國嘅本能添...)
此外,被退學消息係嚟自一位網友「聽說」返嚟,可信程度相當存疑。而大頭貼照片不只一張,薯片姐姐其實不只係喺角落吃洋芋片…(即係玩嘢呀?)
loading

參考:
Fanpiece/日本討論區/goldfortune.jp/日本奇摩/ポテチ姉貴社群/相關網頁網圖等
事件玩到今日都仲有人玩?以「ポテチ姉貴の退学に抗議します」繼續推特,但小編懷疑係唔係惡搞廣告?
loading

而這一場惡搞,又變了<救救薯片姐>:越睇越似一場"惡搞"?
loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→