「萬聖節」(萬鬼節)扮鬼扮怪的明星藝人Look,誰最應節?

光影言志辨 於 31/10/2016 發表 收藏文章
十月三十一日的萬聖節,其實是「萬鬼節」?真正的萬聖節是明天十一月一日的,而愛爾蘭克爾特人(Celt)把今天定為「萬鬼節」,本來是以鬼靈精怪之臉孔,擊退今天魔界、冥界紗門大開的野鬼遊魂!有點兒似中國的七月十四的鬼節,也有點似中國重陽要登高以避開鬼靈精怪來侵襲!
古代的愛爾蘭克爾特人在戶外點起營火,以等候魔界、冥界紗門大開,本來是要迎接死去的親人,在十月三十一日重聚一天,並且預卜吉凶。可是,當天也是其他無主野鬼遊魂出沒的好日子,為了避開傷害,也為了得到認同,甚或擊退他們的來犯;於是克爾特人就假裝鬼怪,並在臉上灑動物之血!
時至今天,大家都為了好玩而化妝,尤其明星藝人,又怎會放過這一天見報曝光的好機會!
Angelaby鬼火咁靚,扮咩嘢都會吸引人,但要嚇鬼就可能有難度!不過講真一句,從萬鬼節扮鬼扮怪對付同類而言,Angelaby的扮相很是合格!
攞住一碌棒嘅Heidi (Super Girls)(上圖)扮相似自殺特攻嘅小丑女,同下面嘅有「翻版陳妍希」外號嘅陳潔玲一樣,都可以嚇人,但嚇鬼就可能唔知得唔得?
楊千嬅嘅造型有少少似LoL英雄聯盟角色嘅賞金獵人好運姐;尤其係個嘴,但手上無兩枝槍,只得兩個拳頭,似乎差少少……似乎好難 “呃鬼食豆腐”!
究竟,何超蓮是否想扮女童子軍?還是什麼制服團隊嘅人?
黃浩然呢一個Look最應節,扮吸血殭屍來一個"以暴易暴",咩嘢鬼都驚
女子音樂組合「少女標本」的簡淑兒,Jessica Kan這一個Look,臉上有血,青筋暴現,很花心思,合格!這一個Look足以對抗今晚出來“抽水”嘅 “惡鬼”!
前女子跳舞組合HotCha成員嘅黎美言,可能玩得太多Selfie+手機修圖Apps,扮相也似足,無論嚇人嚇鬼,都好難成功,太可愛吧?
前華姐宋熙年(Sarah)這一個Look,相信只有一個人佢老公陳智燊(Jason)先會驚青!
總之一句,Happy Halloween之餘,扮咩嘢鬼靈精怪都無所謂;最重要係千萬唔好酒後駕駛,否則真係好易撞鬼!

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→