「波大」學歷高未必好?「最佳世界杯主持」李佳芯美貌與急才並重!

光影言志辨 於 12/06/2018 發表 收藏文章
大家都知應屆畢業生越嚟越難就業,對學歷要求好高」;網上就有相關面試笑話:「我中大(中文大學學位畢業)!」「我交大(交通大學)!」「我清大!」「我港大!」突然,一女生響亮聲起:「我波大! 」面試官立刻拍桌說:「就用你!但要證明」。於是,女生入被帶到私人辦公室,關上門窗,拉上窗簾,面試官說:「你波大嘛?攞出來睇睇!」女生就攞出寧波大學畢業證書,結論係:一張圖係「語帶相關但唔知真假」要謹慎!
近年大學學位過濫,入讀學生又少,為保飯碗唔少大學招生出奇招。其中,有人就惡搞寧波大學,搵嚟兩位寫真女星(左邊是原幹惠,右邊是中村靜香)。就係要證明寧波大學係真有「波大」嘅內涵?
講咗咁多又關李佳芯咩嘢事呢?多得網友提醒,原來李佳芯都被網民封譽為近兩屆「最佳世界杯主持」。但做得「世界波主持」又未必一定要「好波」兼「學歷高」------李佳芯係最佳例子,而且佢仲美貌與急才並重添!話說日前,李佳花出席商場相關「世界杯」嘅活動時表示是自己一定會睇「世界杯」又扒冷力捧比利時奪冠軍。
最興奮嘅時候,就係最容易講錯嘢嘅時候
當記者見李佳芯講得咁興奮就整蠱問Ali會去邊度睇,好有急才嘅佢就話:「咁喺街都有機會睇到,商場都好似會播,同埋睇波唔一定屋企睇,多人睇仲開心。」(就係避開唔提友台的 “寶號”, 尤其係今屆世界杯唔喺TVB,而係喺ViuTV/NowTV。)李佳芯嚟自典型香港基層家庭,自小同家人住喺柴灣一個公共屋邨。讀過兩間中學------一間係伊斯蘭脫維善紀念中學,最高學歷係香港城市大學視覺藝術副學士學位。(所以唔能夠叫「我城大」?)但係李佳芯即使冇「我X大」高學歷都好,美貌與急才並重;即使非港姐出身,亦係眾人心目中之「最佳世界波 “影后”級主持」呢!
參考:
Fanpiece、HK01、Yahoo、東方日報、連登,相關網頁及網圖等
註:李佳芯係少數香港女星有演技、少緋聞及有智慧嘅演員。好可惜係港產片萎靡不振,唔好似以前咁容易由「公仔箱」跳到「大銀幕」!

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→