教教楊秀惠如何KO湯洛雯(逃離馬國明?)@《心理追兇》擺出《相聚一刻》的愛情心理大難題?

光影言志辨 於 23/04/2017 發表 收藏文章
喺《心理追兇》中,演心理醫生Mandy Yeung嘅楊秀惠,居然能醫不自醫,跌入了馬明所演角色鍾鍾泰然對已死永遠28歲嘅Icy念念不忘嘅"愛情死胡同"之中去...
睇過高橋留美子《相聚一刻》,都會知道女主角音無響子(本姓千草)係公寓「一刻館」年輕貌美寡婦兼管理人,對已故亡夫惣一郎念念不忘。而男主角房客兼大學落榜生五代裕作,居然追到跟他年齡大、身份金錢又懸殊嘅響子,男主角憑什麼?
喺《心理追兇》中,編導反用以上橋段:馬國明(演鍾泰然) 對已死愛人湯洛雯(演Icy)病態地痴纏(因為Icy有任務未完?要馬明去完成?),叫鍾愛馬明嘅楊秀惠(演Mandy)又愛又恨又生氣又同情又難捨難離……
楊秀惠貴為2003年馬來西亞華裔小姐競選冠軍及最上鏡、完美體態小姐,點會輸俾湯洛雯?
好了!各位讀者觀眾,你可唔可以教教楊秀惠點樣KO湯洛雯(或逃離馬明嘅魔掌?)?我唔係心理學家,只能夠用「普通男人」嘅愚見嚟諗(不過,居然編劇導都一一使出過!)
第一,色誘(必殺程度89.9%)
楊秀惠再度長腿誘惑?喺《心理追兇》露腿獻吻引死馬明!
第二,3P(必殺程度99.9%)?吓?
我嘅意思係出動「楊家三女將」---嘩!總有一個可以打動馬國明(演鍾泰然)---現實及戲劇中也好?(現實中,楊秀惠三姐妹都咁索,叫你點揀?)
第三,拆夥!分手!最後一擊?
最慘係鍾泰然/Icy/Mandy嘅三角關係---他們都是心理醫生,但係能醫不自醫!
喺《心理追兇》中,Mandy連睇星星睇日出都出動埋,孤男寡女獨處都無法打動馬明...究竟,馬國明(演鍾泰然)如果唔係"基",又患上咩嘢病?
參考:
明報、大公報、Almond、Monday、fanpiece、楊秀惠Facebook、網圖等等
玉風令:<漫畫《相聚一刻》雜感︰談響子的「成熟」愛情觀>,http://life.fhl.net/Movies/cartoon/21.htm
附註:
其實,劇中馬明所演角色對Icy念念不忘,可能喺現實中叫「蔡格尼克記憶效應」(Zeigarnik effect):人與生俱來就有一種辦事有始有終嘅驅動力,人之所以會忘記已完成工作,係因為想完成嘅動機得到滿足;如果工作未完成,這一動機會逼他對此人此事留下深刻印象、念念不忘。
最後可能會走入兩個極端:一係過分強迫,面對任務非要一氣呵成,不完成便死抓著不放手,甚至偏執地將其他任何人事物置身事外(即劇中馬明的現象);另一端係人嘅驅動力過弱,對任何人、做任何事都拖拖拉拉,半途而廢,永遠無法徹底地完成一件事情或面對其他人Hea住做。

留言


請按此登錄後留言。未成為會員? 立即註冊
    快捷鍵:←
    快捷鍵:→