救妻救出個「千億新抱」蔚雨芯(仲同朱晨麗兩生花?)

光影言志辨 於 29/12/2018 發表 收藏文章
睇TVB最新的愛情青春劇《救妻同學會》,當然要睇青春少艾,點知原來個個可能人妻都已經不少艾?只得蔚雨芯...可能會成為"千億"人妻?
第一位係劉佩玥(29歲)飾演趙卓穎(Jill)
李恩朗(胡鴻鈞演)的老婆,第一集遭到綁架,被犯人以此威脅胡鴻鈞找回一億。
在青年宿舍生活時,經常帶著耳機聽歌係佢特色。
第二位朱智賢(32歲)飾演唐美蘭
李恩朗在大學時期的暗戀對象,之後成為拍檔一起營救他的老婆。年近32歲嘅佢劇中造型很多時綁住「孖鞭」,一副青春無敵的樣子,好彩朱智賢仲keep得唔錯,你又覺得佢襯唔襯到呢個look呢?
第三位黃美棋(29歲)飾演丁嘉敏
1994年就已經加入TVB,喺《行運一條龍》中飾演「小芬女」而聞名;童星出身嘅佢,眨眼就29歲。在劇中,佢飾演暗戀Sun的叮噹,同時也是青年宿舍的樓主。
第四位劉溫馨(28歲)飾演胡彩芝
曾經參與2013年香港小姐競選,並且成為大熱人選之一,在決賽中成為最上鏡小姐,最後名次得第四。但佢好努力,爭取到《愛回家》固定角色Amy。呢次演胡彩芝係一名腐女,睇到男男互動竟會心動,之後仲同Pat Pat 成為男女朋友。
第五位簡淑兒(29歲)飾演余鳳婉
喺劇中飾演婉婉,擁有一副迷人身材,清純外表,但係佢係販毒之人。在第一集中,她仲差啲令人誤以為佢同同房唐美蘭都係「Hall 雞」。
以上,可能人妻平均年紀都喺29.4歲,用足球角度嚟睇係「老婦人」!但如果加埋下面呢嗰蔚雨芯(25歲)唔得掂呀,立刻降到28歲!而且身家仲...
註:蔚雨芯飾演方少娜(神婆)。最重要係佢演咩嘢都唔再重要,大家可能只記得J2旅遊節目《去吧!墨西哥》佢嘅「魔鬼胸」。同埋極可能就係吊到金龜婿而一躍成為「徐子淇」第二了!
事實上,現憑正在播映電視劇《救妻同學會》人氣急升嘅蔚雨芯,雖然喺感情方面,女神一向三緘其口,但據聞已覓得 “鑽石級筍盤”------馬來西亞籍男友姓鄭,年約30歲,家族擁有逾資產千億,鄭父更獲封「丹斯里」銜頭,地位顯赫!
蔚雨芯坐頭等飛機又有豪宅
出入私家司機兼保鑣管接送?
身光頸靚無得輸?
雖然生活富貴,但日前蔚雨芯與好友朱晨麗卻齊齊逼港鐵,展現貼地一面。
當Rainky被問是否結交富貴男友,她就話:「朋友之嘛,我有好多朋友嘅,係成班朋友都識嘅。」對於得兩日假期,都會飛馬來西亞爭取時間拍拖(坐頭等),她解釋:「做嘢啫,咁馬來西亞有好多朋友。」有指男友由莊思敏介紹認識,她則說:「唔係喇,識咗好耐,係朋友嘅朋友。」
不過,蔚雨花直認有顆恨嫁的心,至於大有機會做千億新抱,她講以事業為重喎(但係有傳佢工作態度欠佳而被TVB雪藏喎?)
仲要寫「悔過書」認錯,對此她連聲否認:「我做錯咩?」她稱只是公司有些微變動,音樂工作暫停:「呢個都係自己要求,如果雪咗就唔會拍劇啦。」又覺得負面傳聞是有人刻意中傷,強調和公司有商有量,覺得和合作夥伴保持空間才可以維持良好關係,面對流言她只當耳邊風!
Yahoo娛樂最識相好快做咗一個[相集]名為---<未來千億新抱 - 蔚雨芯>參考:
Fanpiece、HK01、Yahoo、東方日報、東方新地、相關網頁及網圖
唔講唔知,朱晨麗同蔚雨芯都幾"兩生花"?

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→