戲如人生:《幕後玩家》個個女角係「幕後輸家」,除咗錢嘉欣;真正「幕後玩家」可能係她們---新聞女主播,前度現任都精彩!(TVB不拍"新聞女王"的原因斷估?)

光影言志辨 於 17/12/2016 發表 收藏文章
真正嘅「幕後玩家」可能是她們---前度現任嘅新聞女主播
劇集《幕後玩家》曲終人散,劇中幾乎個個女角都無乜好下場,除咗錢嘉欣(Gloria Tang鄧佩儀飾)飛上枝頭外......其他,個個慘情!
兩位女主角顧成雙(黃翠如飾)及葉燁(劉佩玥 飾),在劇中,前者變死人後者做咗殺人兇手之外,Da姐(糖妹飾)無咗至愛Ted少 顧成曦(陸永飾),程思汝(龔嘉欣飾)要哭崩離婚,連心心秦應心(黃雪兒飾)都無埋個家,慘慘慘!以上都變了「幕後輸家」!

不過,戲如人生,人生如戲!真正「幕後玩家」可能係她們---新聞女主播,前度現任都精彩之餘;而且她們真係做到「兩步到天堂」(套用《幕後玩家》嘅英文名:Two Steps From Heaven),一步做女主播,兩步就更精彩:主播人人識,專訪大人物?建立了人脈,兩步到天堂?
第一係趙海珠(1981.09.25)。被稱為「新聞界奇蹟」的她,以無採訪經驗新人擔任2006年登上《六點半新聞報道》主播,2006年8月至11月,她被調往《香港早晨》擔任主播,同年離職後更精彩:先後擔任法巴上市衍生產品部聯席董事(2007-2013),及恆地(0012)高級經理(至2014.04為止)------幾似「顧成雙」,但趙海珠卻全憑自己或人脈------又幾似《幕後玩家》三位男主角常常提到的「人脈」?
第二係林燕玲(1979.05.05)。因為剪了一頭又像小飛俠又似阿童木嘅她被同事起了「小飛俠」花名。林燕玲與趙海珠一樣是非新聞系出身的前女主播,2011年2月離開女主播行列,因為在財經界廣為人識,好快就出任渣打銀行股票衍生及中介銷售部窩輪銷售副董事。2015年渣打銀行定結束衍生工具部,林燕玲遭到裁員。但同年12月7日即加入林建岳旗下的麗新集團任傳訊部副總裁。
林燕玲都有D似《幕後玩家》葉燁(劉佩玥 飾)一角色,因為財經界有傳聞指她戀上有婦之夫曾是會計界參選者、信報寫專欄財經才子龔耀輝-。龔耀輝溝女了得。 名車接送林燕玲之餘,又經常浪漫晚餐,車廂熱吻,並酒店「爆房」。 被蒙在鼓裡的龔太,非常像程思汝(龔嘉欣飾),只知丈夫偷食,卻傷心無言。
第三係周嘉儀(1982.08.03)。這位前TVB新聞女主播,現為興業證券市場拓展部聯席董事,負責市場推廣工作。周嘉儀跟林燕玲一樣精彩的是,在2013年跟有婦之夫兼同事許方輝有緋聞,結果當然形象插水,失去了「女神」神主牌。
現實版本周嘉儀也可能詮釋了葉燁(劉佩玥 飾)一角色?陳佩琳睇落又好似程思汝(龔嘉欣飾)
參考:<被指WhatsApp騷擾許方輝夫婦
周嘉儀:冇許太電話>:
http://hk.apple.nextmedia.com/entertainment/art/20150514/19146295
但不重要,憑著人脈關係,2015離開TVB,加入興業證券做其聯席董事,都係果一句爛調套語:「識人好過識字,搞關係好過鬧緋聞」!現在嘅周嘉儀好灑脫,得閒跟好姐妹同家怡打機,又做吓對台ViuTV《巨門陣》電視評審,原來佢都係「幕後玩家」!
第四係張文采(1985.05.16)與黃紫盈(1987.07.19)。她們的恩恩怨怨爭做新聞女主播,本身已夠戲劇性!(TVB點解唔開拍「新聞女王(女主播)」一劇呢?)都講過啦:「幕後玩家」唔係「幕前玩家」,黃紫盈報新聞對住螢光幕感性流淚一幕,拍劇就會攞99分,但做女主播報道新聞就…
今天嘅黃紫盈,係非常灑脫嘅「幕後玩家」,年初為網站拍攝旅遊特輯《盈遊世界》去德國,跟住得到德國旅遊局邀請,代表香港去慕尼克出席國際峰會,會上仲見到嚟自150個世界各地嘅代表,一齊交流推廣旅遊心得。今次仲唔做埋「幕前玩家」?
一年兩次得到贊助去歐洲德國出Trip做嘢,仲唔係幕前幕後佢玩哂?
講起「淚曬新聞螢光幕前」,仲有佢---梁凱寧(1992.07.22)!不過,佢無同人有恩怨,只係聽聞做到喊辛苦!大家都知啦,大台TVB嘅新聞主播一D都唔易做呀!睇片就知啦:
https://www.youtube.com/watch?v=eqyrHYP0nqc因為喜穿粉紅戰衣而被封為Pinky BB嘅梁凱寧,疑因凌晨工作又感冒,疑似辛苦喊出嚟?不過佢「疑似飛釘」可能更精彩?
激凸報天氣爆紅 疑似"飛釘"無綫主播梁凱寧!
再講起激凸疑似「飛釘」,陳嘉倩(1990.05.20)一樣有穿過類似「緊身白色透戰衣」上陣,是巧合還是早有安排?也是踏上「天堂」的第一步部署?
https://www.youtube.com/watch?v=9IpYnqDoJ8ATVB兩位小花女主播,又會否加入這個「幕後玩家俱樂部」,第一步女主播,第二步就......
其實,還有更多前度及現任新聞女主播講都講唔完,好像方健儀(1977.01.28)、羅鈺文(1987.04.14),還有她---最正氣的利君雅,甘心放棄大台TVB女主播一職,謫仙凡塵做回記者一職!咦,她不就是《幕後玩家》秦昇海(黃宗澤飾)的「青年版」---正氣記者嘛?
看似"輸家"被離開TVB前新聞女主播行列的黃紫盈,才是"幕後贏家"錢嘉欣?
戲如人生,人生如戲;原來劇集《幕後玩家》不只講「公關」,也似在「映射」真正的現實版本「幕後玩家」!(註:本文純屬推測,如有雷同,實屬巧合)
如果真要開拍的話,胡杏兒做張文采可能最夠神髓,另外一眾《學是學非》的女演員,都可以加入考慮行列……

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→