張繼聰導師幫忙DSE中文口語溝通補習班?(兼有多個《幕後玩家》導師為「社會大學新鮮人」上嘅多門「學科」:執生?真係有排我學嘢!

光影言志辨 於 11/11/2016 發表 收藏文章
2016年文憑試(DSE)《試題專輯》出版咗,裏面講到中文科卷四說話能力,考生雖能主動發言,質素卻較平庸,內容貧乏、觀點重複。考生在典故成語詩詞表現較差,例如不明白「慎終追遠」係咩嘢。專輯建議考生要努力拓展討論深度;豐富意念、見解精到咁先會使人信服。
原來,《幕後玩家》嘅張繼聰導師 Tim少幫忙上咗好多堂DSE中文口語溝通補習班?係真嘅!而且,其實唔單止呢一門科目,仲有好多門科目,真嘅假嘅?去片,睇落去……DSE補習班都係睇Video片!(註:坊間天王導師補習見真人係要額外收費)
https://www.youtube.com/watch?v=4-tFSKtE9Ss原來,睇電視都可以學到嘢?公關語言技巧及口才藝術學可以啟發DSE中文科卷4。由張Sir張繼聰做導師的公關口才藝術學Video片段,只有一啲瑕疵係------中英文夾雜!
口才學由張Sir張繼聰導師親身示範,係唔係絕對拍得上中文補習天王就唔知;但黃翠如導師親身上陣,示範用1分鐘講小故事說人生大道理,真係要睇睇,因為關乎終生幸福:
https://www.youtube.com/watch?v=nf1NuZs2W64
DSE中文科卷四係口試,又稱口語溝通,坊間俗稱「吹水」。因為,口試題目涵蓋嘅真係估都估唔到,例如:「假如人類可以有一種特殊能力,哪一項對人類生活最有意義?」又如:「年輕人立身處世,你認為哪一種處世態度最為可貴?」所以,2016年文憑試(DSE)《試題專輯》亦建議考生多閱讀古典文學有助考試。但係,原來中文古詩更加可以救人一命:
https://www.youtube.com/watch?v=Y5C2toWRITY
究竟「行到水窮處,坐看雲起時」係邊個古人嘅古詩?當然,喺考試中答啱有分無分唔重要,重要係「書到用時方恨少,事非經過不知難。」(陸游,1125-1209年)
蕭正楠飾演一角係「念詩王」:執生?的確有排我學!
原來讀中文古詩都可以救人一命!真的假的。其實,喺《幕後玩家》裏面,蕭正楠飾演一角係「念詩王」,先後將《古詩十九首》嘅「生年不滿百, 常懷千歲憂。」以及郁達夫嘅著名情詩《釣台題壁》頭四句朗朗上口:「不是樽前愛惜身,佯狂難免假成真。曾因酒醉鞭名馬,生怕情多累美人。」
喺《幕後玩家》中,中文科係主打科目,要補習。但其實,不單中文呢一科,DSE係有日文一科,劇中一樣蕭正楠親身示範呢一科亦有重要性------問你死未?睇電視真係學唔到嘢?
https://www.youtube.com/watch?v=oQi1ZvuCDXo蕭正楠導師「一所懸命」地以日語向山本說明!
至於,俾「社會大學新鮮人」上嘅多門「學科」之一------道德科,由黃宗澤導師為了親身演繹何謂口才藝術學,以及道德反面教材學!
https://www.youtube.com/watch?v=Nbu85CLNzLM究竟,何謂語言藝(偽)術?
仲有係創意學科(喺好多大學中都有一科叫創意!),又係由張Sir張繼聰導師以Video嘅形式嚟傾情演繹:
https://www.youtube.com/watch?v=7T_Sm5yiFyk喺呢片中,張繼聰導師同細路女唱歌走音都可以即時好有創意咁"兜住"話係R&B(Rhythm and Blues),簡稱:R&B或RnB,或作節奏藍調 ,又稱節奏怨曲。(註:這個音樂術語是由美國告示牌雜誌(Billboard)於1940年代末所提出。相關唱片有合輯《布魯斯名家”第五輯:“跳躍布魯經典》、路易士•喬丹(Louis Jordan)《路易士•喬丹精選》等。)
https://www.youtube.com/watch?v=LYZnPRc-Tmw喺呢條片中,睇睇張繼聰導師點樣輔導只希望"打散工"嘅錢嘉欣,後來錢嘉欣加入Rainmakers成為長約PR一份子!錢嘉欣理想係演舞台劇,但無錢讀演藝!
其實,《幕後玩家》嘅一眾導師,連教育學、心理學及輔導學都教埋的哋,連Howard Gardner(1943-)這個美國教育心理學泰山北斗都出動埋:教育,其實就係要幫助後來者找到人生方向,以及成為人材!
呢一條片係張繼聰導師要跟二世祖陸永同住,後來仲要成為佢嘅人生導師!張繼聰導師狠狠整治陸永,然後先發掘陸永呢個角色嘅建築及繪畫天份!
而事實上,陸永嘅行為藝術學天份極高,有片為證如下:(我深信現實中做道具及美指嘅人肯定叫苦連天!)
https://www.youtube.com/watch?v=TYl5DMshoyo&t=27s咁樣用錫紙包裝家具,肯定做到死死下!
幕後玩家》嘅編導真好「玩嘢」(係衷心讚美!),連一般坊間普遍認定「睇電視無嘢學」嘅成見都要玩埋,而且佢哋下定好大嘅決心要讓大家睇《幕後玩家》學好廣東話嘅中文之餘,其實仲唔止呢一科嘅!
戲如人生,人生如戲?

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→