張沛樂被「鹹豬」審死官:嫌疑男星飛撲出嚟澄清?

光影言志辨 於 23/08/2018 發表 收藏文章
女藝人「沙律」張沛樂,剛剛接受報章訪問,大爆被圈中人借試戲為名,「鹹豬」為實------向佢攬頸撞胸,令沙律驚覺有人乘機抽水。
「沙律」張沛樂就話,曾經同一名男藝人合作,對方突然主動加擁抱戲,雙手環抱其頸部並以上身撞胸,但她當時不懂反應:「可能佢過分投入,仲喺個角色度,令我有啲感覺唔舒服。(覺得有心博懵?)我覺得唔合理,如果劇情需要當然OK,但唔需要未Roll前突然話試戲,又冇知會我,就突然攬埋嚟。」
好啦!如果係真,邊嗰男星會 “認頭”呢?當然無,但同張沛樂合作過嘅男星,就一一飛身撲出嚟解話:
第一個係肥仔聰。搞笑100%!嫌疑0%?
跟沙律演過一對嘅林子聰(肥仔聰)表示做親密戲會先得到女方同意:「我哋拍之前有問搭膊頭得唔得,唔好就改拖手,總之會問清楚,唔會亂加戲。(怕成為嫌疑人?)冇諗過,胸貼胸?我肚腩比較大,要練吓縮肚先做到呢件事。」(小編相信佢無可能頂到「沙律」胸貼胸嘅!)
第二個係梁漢文。搞笑80%!嫌疑0%?
曾跟沙律拍戲------仲係床戲嘅梁漢文話:「我同佢拍嗰場所謂“床戲”,只係意識上大膽,其實拍時只有佢一個人瞓喺床度,我哋冇任何身體接觸㗎。」(小編都相信佢無可能,除非佢飲醉酒,但佢最多係講粗口同瞓街嘅啫!)

第三四兩個係張建聲、陳安立。搞笑0%!嫌疑0%?張建聲話同對方合作過《向西聞記》,但只得一場文戲,無身體接觸,亦叫對方真係遇到不尊重情況,立即向導演及監製講。單睇《向西聞記》,高危反而係佢?
至於陳安立也直言冇親熱戲:「反而同其他女仔有親密戲,同沙律就冇身體接觸,都係眼神交代感情。」
由於,沙律唔肯透露男方係邊嗰,所以都係審死官嘅公案一場!由於佢入行後拍過唔少網劇、電影及網上短片,同張沛樂合作過嘅男藝人為數不少,曾先後與梁漢文、林子聰、張建聲、陳安立及海鳴威等飾演情侶,拍攝安全套廣告跟男Model亦有床戲。所以……
想喺娛樂圈浮沉,阿囡都係嗰句:「好好保護自己,事事就大聲嗌」
唔知剪短頭髮男仔頭,幫唔幫到佢?
參考:
Fanpiece、HK01、東方日報、蘋果日報、相關網頁網圖等

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→