孫慧雪係聶小倩@誰個「聶小倩」最令你心痴!(註:最近明星名人做廣告代言隨時踩「地雷」?)

光影言志辨 於 08/06/2017 發表 收藏文章
嚟自蒲松齡《聊齋志異》嘅〈聶小倩〉,一直都成為電視、電影,甚或手遊一再演繹嘅對象。
所以,當網友一直打著手遊《倩女幽魂》(香港版),睇孫慧雪化身白衣聶小倩代言嘅時候,有人講佢有「包包面」衰過陳妍希演小龍女喎!亦有人話佢仙氣十足,被網民冠以「小倩接班人」稱號!
孫慧雪係聶小倩嘅廣告代言,是好是壞,見仁見智!手遊一場,不必太認真?
孫慧雪算好,唉!宜家做廣告代言人真係隨時踩「地雷」,好似最近接拍唔少廣告嘅區鎧淳……
被《輔仁文體》嘅部落客責難,話區鎧淳侮辱自己游水嘅專業!游到一個「3分27秒」的成績,不屬於任何途程的應有時間,批評廣告片導演及編劇侮辱游泳專業。區鎧淳又被嘲諷拋頭露面要加入娛樂圈,係因為冇其他能力。結果,搞到區鎧淳要出來澄清。
又好似同為手遊廣告代言嘅簡淑兒被網民插似咒怨!搞到簡淑兒唔認自己係女神好多次,避免樹大招風!
簡淑兒一直唔認自己係女神,最近仲要唱埋出嚟!
連型男方中信被他出任代言人多年的瑞士腕錶品牌DOXA亞太區總代理發聲明指他「言行失當,完全與其品牌代言人的身份不符」等罪名(方中信被指粉絲攬出事!),單方面宣布終止跟他的代言合約。但事隔兩周,峰迴路轉,方中信又同這個腕錶品牌和好兼續約!
話說回來,孫慧雪嘅聶小倩,始終令人想起王祖賢------聶小倩的最經典的形象,1987年徐克嘅《倩女幽魂》,亦因為王祖賢而揭起高潮!
以後,無論誰演繹「聶小倩」,都似乎敵不過王祖賢。原因,似乎還有永遠「哥哥」嘅魅力!以及葉蒨文《黎明不要來》嘅好聽!
參考: ECDayhk.com、Fanpiece、LVUP.hk、YouTube、東方日報、蘋果日報、香港01、立場新聞、區鎧淳Facebook、簡淑兒IG及相關網圖等等

留言


請按此登錄後留言。未成為會員? 立即註冊
    快捷鍵:←
    快捷鍵:→