女人鬥一番:麥明詩VS龐卓欣(2015港姐冠亞軍鬥足全程?)

光影言志辨 於 28/06/2018 發表 收藏文章
睇三國睇孔明周瑜大鬥法,睇Jane Austen:《Emma》睇Emma點同Jane、Mrs. Augusta Elton鬥美麗鬥才藝鬥身家...原來,喺香港地2015港姐冠亞軍------麥明詩VS龐卓欣一樣,由港姐舞台鬥足全程到現實…
由港姐年代鬥到現在,究竟麥明詩VS龐卓欣喺度鬥啲咩嘢?
看官梗係以為首先鬥樣靚身材正!?上圖黑絲胸圍麥明詩如何?下圖龐卓欣還以白色Tube-Bra式 “胸罩”又如何?兩個都樣靚身材正,好亂添算打和吧?!
其實最近鬥嘅係------龐卓欣阿爸俾錢阿女買樓!仲聽聞1,200萬買下銅鑼灣,一個700呎單位過獨居生活!據知,26歲的Ada之可以輕鬆上樓,因為「成功靠父幹」,有「富爸爸」幫手,一圓上車夢做業主!
另一邊廂,麥明詩話現時年輕人難上車,父母喺經濟上給予支持,無可厚非,但麥明詩不忘回答記者話:「我希望我借嘅錢,係一定要還到畀父母,唔想佢哋送層樓畀我!」哈哈哈哈,暗戰一樣要鬥一番?!
麥明詩果然有「抽水伊人」嘅本色,呢次判佢贏龐卓欣!
事實上,喺事 “葉”上,麥明詩簽咗TVB大樹 “葉”遮蔭,形勢上比龐卓欣牌面高少少?!皆因,麥明詩喺英國執過葉,可能深明有TVB大樹 “葉”遮蔭嘅道理!但係龐卓欣依家做KOL,冇簽約無綫, Instagram擁有6.6萬粉絲人數,亦喺YouTube開設個人頻道,拍片分享化妝心得,又教小朋友唱歌,一樣掂呀!
好混亂,佢哋事業上真係難分高下?但麥明詩稍佔上風!
但講到感情就……無法啦,龐卓欣贏啦!曾幾何時,麥明詩有大狀林作撐場;而龐卓欣就有「鐘錶大王」孫秉樞嘅孫仔孫智威,現在形勢一時逆轉,唯有祝福麥明詩急起直追?其實,古今中外,上流社會美女大鬥法;早喺Jane Austen嘅書《傲慢與偏見》寫晒講晒,小編以為麥明詩VS龐卓欣係一個現代翻版啫!
參考:
Fanpiece、HK01、東方日報、蘋果日報、明報,以及相關網頁網圖等
咦?睇睇吓,身材上又好似龐卓欣稍勝?真係難為佢倆定分界!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→