劉穎鏇激嬲江嘉敏、利穎怡?皆因佢有長腿……

光影言志辨 於 05/11/2018 發表 收藏文章
眾所周知,5呎9吋高嘅劉穎鏇高人一等,真正係長腿姑娘,所以激嬲咗江嘉敏、利穎怡?原來係咁……
首先,話說喺綜藝節目《真係咁都得2》,利穎怡(Joan)同港姐劉穎鏇(Tiffany)以生鬼方式講出生活小資訊,兩個女人於是一齊扮美少女戰士,但利穎怡只能夠扮演月野兔,Tiffany則可以扮火野麗!兩個女人都爭住想搶扮火野麗?
利穎怡酸溜溜話:「知道要Cosplay已經興奮到爆,其實我曾經以為自己真係火野麗,記得小學嗰陣有個外國朋友話我同另一個同學都係美少女戰士,話我係火野麗,我仲反問點解唔係讀書叻啲嘅水野亞美!」
利穎怡爭輸咗!
利穎怡又話:「我真係相信自己係美少女戰士㗎!至於今次畀Tiffany扮咗火野麗都啱嘅,佢有美腿嘛!」
查實兩個女仔都好Friend!不過,女人的妒忌心始終一啲都唔可以睇小?
接住係喺《3日2夜》(土耳其篇)裡面,劉穎鏇同江嘉敏呢對女神組合,已經不時鬥嘴爆笑。劉穎鏇仲笑話:「我喺電視城入廠後,江嘉敏講話第一次見到有女Artist後生過佢,所以佢唔鍾意我!」非常爆笑。
江嘉敏就話對劉穎鏇第一印象係「呢個女仔咁高嘅」,仲話接受唔到有人年輕過自己,仲要同自己一樣有長腿!原來,劉穎鏇1997年,江嘉敏1994年,相差三年啫!
其實兩個都係長腿女神。江嘉敏喺旅途上亦非常照顧劉穎鏇,兩人因為長腿及年紀而鬥嘴、磨合。為咗節目收視而搞笑,實情係非常好姐妹老友。
但係:女人會唔會又口不對心呢?(Forget it)
參考: Fanpiece、東方日報、東方新地、明報、劉穎鏇IG及共相關網頁等

劉穎鏇在圈中廣結善緣,看見她打從心底裡笑出來一點不假。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→