劉湘與李君妍嘅共通點:努力向夢想進發

光影言志辨 於 25/08/2018 發表 收藏文章
中國泳壇超新星嘅劉湘(1996.09.01)同香港藝人李君妍(1992.03.16)好似 “九唔搭八”而且仲係大纜都扯唔埋,小編點解會咁無厘頭講佢兩個。其實兩人都有同一個特點:為著理想,努力做好自己!但卻有兩個不同際遇!
先講「少年得志」嘅劉湘,係嗰一種「生而知之者上也」嘅游泳天才人物!剛剛仲破埋背泳世界紀錄,而且樣子甜美紅到去日本及南韓。
稚氣未除,恍若鄰家小女孩嘅劉湘是多項游泳世界紀錄保持者
坦白一句,劉湘搵啱咗自己發揮天賦嘅出路------游水,屬於能「少年得志」嘅一族!但願年紀輕輕嘅劉湘繼續努力,多結善緣,多聽教誨,在泳壇繼續發熱發光!
至於可能會係「大器晚成」嘅李君妍,原來佢由2010年已開始拍TVB電視劇,跑龍套做路人甲乙丙!
直到2011年先有一套叫《紫禁驚雷》嘅劇集,做一個有名字叫「綺蓮」嘅閑角色!
然後載浮載沉多年,終於嚟到現在熱播中嘅《特技人》先叫勉強做到 “第四女主角”(美其名)------袁丸一角色!
而且呢一個角色拋胸露肉,擺明係為咗兩個女一:朱晨麗及傅嘉莉 “護航”做陪襯(事實劇集內容亦如此說---真係戲如人生!)
小編相信真打嘅話,李君妍未必輸俾傅嘉莉!
以上兩個 看似“風馬牛不相及”嘅女性:一個娛樂圈,一個游泳界;但佢哋兩個女生都正在努力為理想,譜出自己嘅奮鬥生命之歌!
參考:
Fanpiece、HK01、TVB、東方日報、東方新地,相關網頁及網圖等

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→