《使徒行者2》「見習臥底」黃翠如慘變「見習演員」?

光影言志辨 於 23/09/2017 發表 收藏文章
想唔到喺《使徒行者2》中,翠如BB飾演嘅「見習臥底」鄭淑梅,慘慘面對劇中比「見習演員」更慘嘅負評!
呢個表情係當翠如BB聽到佢嘅Handler(臥底聯絡員)黎Sir被殺時嘅第一個表情及反應!(你又點睇?)
近幾日,各大討論區都對《使徒行者2》嘅翠如BB「開香檳」。翠如BB嘅演技一直備受網民批評,基本上似乎未有過讚美留言,好一面倒批評她演得差。
之前她主演劇集《幕後玩家》已經被網民勁彈無咩演技,指她表情呆滯,一個表情演到尾,甚至身中多刀都係一個表情(見上下圖)。
今次《使徒行者2》面對好多老戲骨,「見習臥底」翠如BB更加變慘慘豬!有留言嘅主題同內容都幾Hurt人。
翠如BB你頂唔頂得順?
例如:叫佢翻去讀下演藝學一吓戲先啦,
又有人叫她返去有線做主持啦,
亦有網民話她到了曼谷後令套劇變成了旅遊特輯。

翠如BB你投訴都無用啦!
係唔係咁差?
翠如BB唔駛唔好意思!
坦白講翠如BB喺《幕後玩家》飾演嘅顧成雙陰沉內斂,性格複雜多,難度極高!佢扮Cool由頭到尾一個樣,非大情大性嘅翠如BB所可能駕馭!
黃翠如一個樣演足整套《幕後玩家》,有網友話佢都可以做出黃翠如嘅表情包
翠如BB疑問嘅樣!
但今次《使徒行者2》翠如BB嘅演出,其實已經多咗好多表情,睇得出翠如BB有俾心機,表情演技在改進中!
翠如BB要搵出自己臥底同類嘅迷惑嘅樣!
翠如BB煩嫌嘅樣!
無可奈何嘅樣?
針唔拮到肉唔知痛嘅樣!
至於有人話翠如BB嘅角色鄭淑梅低B難頂,公道啲講句唔關翠如BB事,因為佢嘅角色真係要「見習臥底」驚驚青青兼低低BB。
呢兩個就係低B樣?
唉!「見習臥底」慘變「見習演員」,黃翠如要識面對網民壓力,在負評中一步步進步啦!
參考:
Fanpiece、HK01、東方日報、香港討論區、高登等圖及相關網頁、網圖等

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Fyc
    Fyc 於 24/09/2017 評論 NO. 1

    大家早* 過去有不小圈內演員同受殘酷評述!今翠如受他人追擊,
    實有點與今社會風氣類同先入為主一樣,小數觀眾與翠如身仇之恨令斷奇衣食?
    可見與現實無異勢拖下馬不可!理應以公道看待,翠如是否演藝差極不可接受?
    可比前輩可鑑有何類同之處?自會明白。

  • Jason514
    Jason514 於 25/09/2017 評論 NO. 2

    😅面癱 山下智久都係 點解冇人插

快捷鍵:←
快捷鍵:→