無綫女摑女 摑足兩分半鐘 史上最強

冷.奇.趣 於 11/12/2012 發表 收藏文章
依家最興講嘅,除咗係「迷幻飯局」同「食屎狗」之外,就係一個字……摑。

學阿倫話齋,「摑」呢,可能只係「輕撫你的臉」,亦都可能係因為「佛都有火」所致。其實講到「摑」呢門技術,唔好問阿倫喇,問無綫班編劇同監製,因為幾乎套套劇,班女主角三句唔埋兩句就出手。有電視精將無綫近年來(應該係近十年)女女互摑嘅場面剪成一條片。2分33秒清一色係摑,摑,摑,摑摑摑摑摑摑摑摑摑摑摑摑……數到1分49秒,已經摑咗123巴。成條片,可能有近300巴。

摑得最多嘅劇,唔使問,真係唔使問,一定係《溏心風暴》同《家好月圓》,仲有《宮心計》同《萬凰之王》。好明顯,無綫一拍親呢啲女人爭寵戲,得一招,就係摑。

想摑得好睇,下次不如考慮搵龍虎武師出身嘅曾志偉做動作指導啦。

留言


請按此登錄後留言。未成為會員? 立即註冊
    快捷鍵:←
    快捷鍵:→