《守護神之保險調查》– 又一個扮女人的男藝員!!!今次扮「骨妹」?!

隔左好耐無講《守護神之保險調查》呢套劇。近排劇情就係圍繞電話詐騙集團案,中間就加插阿百(百天明)(黃宗澤飾)同Kay(王希維飾)的戀情做穿插。雖然阿百同阿Kay的戀情未能夠開花結果,但中間阿百都真係好大「犧牲」,讀者可以參考以下片段。



事關阿Kay大左肚,但肚入面個BB唔係阿百GE,而係另一個人。不過阿百「愛Kay心切」,所以佢就算幫手籌錢俾阿Kay生BB。於是佢就搵左份「秘撈」,要拍戲扮女人。不單止係扮女人,仲要扮埋「骨妹」!!!為左十萬蚊的片酬,阿百都要頂硬上。


1:56個度,阿百一黎都好快入戲,一句:「黎!!Roll機啦!!!」到按摩個下,「小姐,舒唔舒服呀?」當中D口音又真係幾似「骨妹」WO。


但導演有要求,係咁鬧阿百唔識做戲。拍緊戲的同時,阿Kay又到左片場睇到阿百咁大犧牲。雖然阿Kay見到之後走左,小編都唔知佢係唔忍心見到呢個場面,亦或係佢嫌棄阿百呢?

Any肥,阿百(黃宗澤)扮女人又真係幾靚女!!對比起過往有扮女人的藝員,例如《荃加福祿壽》入面的王祖藍、李思捷同阮兆祥,又或者《行運超人》入面的斷蟹鄭中基,阿百(黃宗澤)都略勝一籌!! 唔知你覺得係唔係呢?



Ref: TVB

留言


請按此登錄後留言。未成為會員? 立即註冊
    快捷鍵:←
    快捷鍵:→